ئێكه‌تیا ئه‌وروپا ئاگه‌هدارى دا وه‌لاتێ توركیا كوهێرشێ نه‌كه‌ته‌ سه‌ر هه‌رێما كوردستانێ

Evropress

23/2/2008

سه‌باره‌ت ب ئوپه‌راسیونا سه‌ربازى یا توركیا،ئێكه‌تیا ئه‌وروپا د به‌یاننامه‌یه‌كێ دا ئاگه‌هدارى دا وه‌لاتێ توركیا كو پێدڤیه‌ مافێن مروڤى لبه‌رچاڤ بگریت و رێزێ ل ده‌سه‌لاتا دادوه‌رى بگریت،ژلایه‌كێ دیڤه‌ حكومه‌تا بریتانیا ژى داخازكر كو هندى زیه‌ توركیا سه‌ربازێن خو ل ده‌ڤه‌رێن كوردستانێ ڤه‌كێشن،لگورى ژێده‌رێن ده‌نگ و باسان ئێكه‌تیا ئه‌وروپا دوێ به‌یاننامه‌یێ دا ئاماژه‌ ب وێ چه‌ندێ دایه‌،كوتێدگه‌هن ژ مه‌به‌ستا توركیا سه‌باره‌ت ب به‌رهنگاربۆنا چه‌كدارێن پارتا كرێكارێن كوردستانێ،به‌لێ یا باش ئه‌وه‌ ئه‌نقه‌ره‌ ئه‌ڤى بابه‌تى دگه‌ل وه‌لاتێن هه‌ڤپه‌یمانێن خو بێخته‌ رى و گفتوگویێ لسه‌ر بكه‌ت،هه‌روه‌سا حكومه‌تا بریتانیا ئاگه‌هدارى ب حكومه‌تا توركیا دایه‌ كو هندى زیه‌ سه‌ربازێن خو ل ده‌ڤه‌رێن هه‌رێما كوردستانێ ڤه‌كێشیت و بهیرى ئاگه‌هدارى یا گیانێ خه‌لكێ سڤیل بن و زیانێ پێ نه‌گه‌هینن