هێزه‌كا تایبه‌ت یا له‌شكه‌رێ توركیا ب په‌ره‌شوتان خوبه‌ردانه‌ ناڤ ئاخا هه‌رێما كوردستانێ

Evropress

24/2/2008

د به‌رده‌وامیا هێرش و ده‌ست درێژیا توركیا بۆر سه‌ر هه‌رێما كوردستانێ،سپێده‌هیا روژا 24/2/2008  هێرشه‌كا تایبه‌ت یا له‌شكه‌رێ توركیا درێكا فروكان ب په‌ره‌شوتان خوبه‌ردانه‌ ناڤ ئاخا هه‌رێما كوردستانێ ل ده‌ڤه‌را نێروه‌ و رێكان سه‌ر ب پارێزگه‌ها دهۆك،تا نها چ زانیاریێن درست ده‌ربارێ ڤه‌لڤینێن ئه‌وان هێزان ل ده‌ڤه‌رێ بده‌ست نه‌كه‌ڤتینه‌،ئاژانسا رویته‌رز ژ زارێ ئه‌حمه‌د دینس به‌رپرسێ په‌یوه‌ندیێن ده‌رڤه‌یێ په‌كه‌كێ به‌لاڤكر،كو ژ ته‌ڤایا ئه‌وان بیست و دوو سه‌ربازێن توركیا كو ل هێرشێن چه‌ند روژێن رابۆرى دا،بده‌ستێ چه‌كدارێن په‌كه‌كێ هاتینه‌ كوشتن،پازده‌ ته‌رم لبه‌رده‌ستێ وان دانه‌ و دڤان نێزیكان دێ ناڤێن وان به‌لاڤ كه‌ن،له‌شكه‌رێ توركیا راگه‌هاند:كو دوان  هێرشان دا پێنج سه‌ربازێن وان هاتینه‌ كوشتن و چل و چوار چه‌كدارێن په‌كه‌كێ ژى هاتینه‌ كوشتین،ژلایه‌كێ دیڤه‌ ئه‌حمه‌د دینس ب ئاژانسا فرانس پرێس راگه‌هاند: كو ئه‌گه‌ر توركیا د هێرشێن خودا به‌رده‌وام بیت ئه‌ڤه‌ ئه‌و دێ شه‌رى ڤه‌گوهێزن بۆ ناڤ باژێرێن توركیا،له‌ورا پێدڤیه‌ هێرشێن وان بۆ سه‌ر هه‌رێما كوردستانێ بێته‌ راوه‌ستاندن،ئارمانجا توركیا دڤان هێرشان دان په‌كه‌كه‌ نینه‌،به‌لكو ئارمانجا سیاسى و ئابورى ل هه‌رێما كوردستانێ هه‌یه‌.