درینشتنه‌كا نه‌ئاسایى یا په‌رله‌مانێ كوردستانێ دا ب توندى ره‌خنه‌ ل حكومه‌تا به‌غدا گرت و هه‌لویسته‌كێ لاواز هه‌یه‌

Evropres

26/2/2008

ئه‌ڤرۆ په‌رله‌مانێ كوردستانێ ب سه‌روكاتیا كه‌مال كه‌ركوكى جێگرێ سه‌رۆكێ په‌رله‌مانى و د كومبونه‌كا نه‌ئاسایى دا سه‌باره‌ت ب ده‌ست درێژیێن له‌شكه‌رێ توركیا بو سه‌ر ئاخا هه‌رێما كوردستانێ سازكربو،د ده‌ستپێكێ دا كه‌مال كه‌ركوكى ئیدانه‌یا ده‌ست درێژیێن له‌شكه‌رێ توركیا كر و گوت:پێدڤی بو حكومه‌تا عیراقێ لسه‌ر ئه‌ڤێ ئارێشێ روله‌كێ سه‌ره‌كى هه‌بوایه‌ و داخازا چاره‌سه‌ركرنا ئارێشێ كربا،به‌لێ ژڤى رى روله‌كێ كێم و لاواز هه‌بویه‌،ئاشكه‌راكر مه‌ترسى یا وێ چه‌ندێ هه‌یه‌ كو له‌شكه‌رێ توركیا به‌رده‌وامبیت،به‌لێ گه‌لێ كوردستانێ و پێشمه‌رگه‌یێن سه‌ربه‌ز رولێ خویێ سه‌ره‌كى هه‌بویه‌ بۆ به‌رهنگاربونێ،هه‌روه‌سا هه‌ردو لیژنێن پێشمه‌رگه‌ و ناڤخو یێن په‌رله‌مانێ كوردستانێ راپورتا خو سه‌باره‌ت ب ره‌وشێ ئێخستنه‌ رى،دچارچوڤێ ئێخستنه‌ریا راپورتێ لیژنا پێشمه‌رگه‌ داخازكر ئه‌ڤ ده‌ست درێژیه‌ بێنه‌ ئیدانه‌كرن و ده‌ملده‌ست هێزێن توركیا خوڤه‌كێشن و راگه‌هاند:كو لیژنا پێشمه‌رگه‌ پشته‌ڤانیا سه‌روكایه‌تیا هه‌رێمێ و حكومه‌تا هه‌رێمێ دكه‌ت،داخاز ژ حكومه‌تا هه‌رێمێ كر دوماهیكێ ب هه‌بونا بنگه‌هێن سه‌ربازى یێن له‌شكه‌رێ توركیا ل ناڤ ئاخا هه‌رێما كوردستانێ بینن و  كومه‌لگه‌ها نێڤ ده‌وله‌تى ب ئه‌ركێ خو رابیت ب ئیدانه‌ و راوه‌ستاندنا ده‌ست درێژیان و ئه‌مریكا ژى ئه‌ركێ خو د پاراستنا ئه‌رد و ئاسمانێ عیراقێ بجه بكه‌ت،

پاشى لیژنا پێشمه‌رگه‌ كورتیه‌ك سه‌باره‌ت كریارێن له‌شكه‌رێ توركیا و زه‌ره‌ر و زیان و ئه‌نجامێن وێ پێشكێش كر و كو ئه‌ڤ ده‌ست درێژی بێنه‌ ئیدانه‌كرن و دملده‌ست  له‌شكه‌رێ توركیا خوه‌ ڤه‌كێشیت و توركیا قه‌ره‌بویا ئاكنجی و حكومه‌تا هه‌رێما كوردستانێ بكه‌ت و ئه‌مریكا ژى رولێ خو بگێریت ژ فشار ئێخستنه‌ر سه‌ر توركیا و ب ئه‌ركێن خو رابیت ب وێ ئێكێ كو پاراستنا ئاسمان و ئه‌ردى د ستویێ وێ دایه‌ و حكومه‌تا عیراقێ ژى داخازیه‌كێ پێشكێشى نه‌ته‌وه‌یێن ئێكگرتى بكه‌ت بو كومبونه‌كا بله‌زا جڤاتا ئاسایشێ و ژناڤبرنا ته‌ڤایا په‌یمانێن ئاشكه‌را و نه‌په‌نى،كو دناڤبه‌را حكومه‌تا عیراقێ و توركیا هاتینه‌ موركرن سه‌باره‌ت ب رێدان ب ده‌ربازبون بو ناڤ سنورێ هه‌رێما كوردستانێ و خوڤه‌كێشانا بنگه‌هێن سه‌ربازى یێن له‌شكه‌رێ توركیا ل ناڤ ئاخا كوردستانێ، هه‌روه‌سا لیژنا پێشمه‌رگه‌ داخاز كر لیژنه‌یه‌ك ژ سه‌روكایه‌تیا هه‌رێمێ و په‌رله‌مانى و جڤاتا وه‌زیران بێته‌ پێك ئینان بو دیڤداچونا ره‌وشێ و ئه‌ڤان داخازیان،

 پاشى هژماره‌ك په‌رله‌مانتار راو بوچونێن خو سه‌باره‌ت ب ئارێشێ ئێخستنه‌ رى كو هه‌میان ته‌ئكید لسه‌ر ئیدانه‌ و ڤه‌كێشان و نه‌مانا بنگه‌هێن سه‌ربازى یێن له‌شكه‌رێ توركیا كر و حكومه‌تا عیراقێ و له‌شكه‌رێ ئه‌مریكا ل عیراقێ ئه‌ركێ نیشتمانى و یاساى یێ خو بجه بكه‌ن و نه‌ته‌وه‌یێن ئێكگرتى و جڤاتا ئاسایشێ رولێ خو ژ فشار ئێخستنه‌ سه‌ر توركیا بو دوماهیك ئینان ب ده‌ستدرێژیێ،

پاشى بریار هاته‌دان هه‌ر دوو راپورتێن لیژنا پێشمه‌رگه‌ و ناڤخو و پێشنیارێن په‌رله‌مانتاران دگه‌ل سه‌رۆكێ فراكسیونان هاتنه‌ شروڤه‌كرن