پشتى گه‌هشتنا سه‌رۆكێ ئیرانێ بو عیراقێ خولا ئێكێ یا گوفتوگویێن فه‌رمى د ناڤبه‌را هه‌ر دوولان ده‌ستپێكر

Evropress

2/3/2008

 سه‌رۆك كومارێ ئیرانێ سپێده‌هیا ئه‌ڤرۆ ژ تارانێ به‌رڤ به‌غدا كه‌ڤته‌رێ و هژماره‌ك ژ وه‌زیرێن سه‌ره‌كى یێن حكومه‌تا وى هه‌ڤالبه‌ندیا وى دكه‌ن، پشتى گه‌هشتنا سه‌رۆكێ ئیرانێ بو عیراقێ خولا ئێكێ یا گوفتوگویێن فه‌رمى د ناڤبه‌را مه‌حمود ئه‌حمه‌دێ نه‌ژاد سه‌رۆك كومارێ ئیرانێ و جه‌لال تاله‌بانى سه‌رۆك كومارێ عیراقێ ل به‌غدا ده‌ستپێكر،ل كوچكا كومارى یا عیراقێ،جه‌لال تاله‌بانى سه‌رۆك كومار پێشوازى ل مه‌حمود ئه‌حمه‌دێ نه‌ژاد سه‌رۆك كومارێ ئیرانێ كر و دوێ رێ و ره‌سمێ دا،هه‌ر دوو سه‌رۆك ل هه‌مبه‌ر گاردێ شه‌ره‌ف راوه‌ستان و گوهداریا سرودێن نیشتمانى یێن هه‌ر دوو وه‌لاتان بون،د چارچوڤێ پێشوازیكرنێ دا هه‌ر ئێك ژ عادل عه‌بدلمه‌هدى جێگرێ سه‌رۆك كومار و به‌رهه‌م ئه‌حمه‌د سالح جێگرێ سه‌رۆك وه‌زیرێ عیراقێ و وه‌زیرێ نه‌ڤت و دارایى و كاره‌بێ و بازرگانى یێن عیراقێ به‌رهه‌ڤ بون،سه‌رۆك كومارێ ئیرانێ دڤێ سه‌ره‌دانێ دا بو عیراقێ دوو روژان دمینیت و دگه‌ل نورى مالكى سه‌روك وه‌زیر و هژماره‌كا په‌رله‌مانتار و سه‌رۆك ئه‌شیره‌تێن عیراقى و هوزانڤان و روناكبیر و خویندكارێن زانكویێ كوم بیت