13 كه‌س ب تومه‌تا كه‌ره‌ستێن بێهوشكه‌ر ل دهۆكێ دهێنه‌ حوكمكرن

Evropress

5/3/2008

دادوه‌ره‌كێ دادگه‌ها دهۆكێ كو نه‌ڤیا ناڤێ وى به‌لاڤ ببیت،تایبه‌ت بۆ رۆژناما ئه‌ڤرۆ دیاركر كو 13 كه‌س ب تومه‌تا كه‌ره‌سته‌یێن بێهوشكه‌ر د ماوه‌یێ دو سالان دا (2007 – 2008 )ێ ل دهۆكێ هاتینه‌ حوكمكرن،دسالا (2007) ێ دا 8 كه‌س ب تومه‌تا بكارئینان و ئیدمانێ هاتینه‌ حوكمكرن و حوكمێ تاوانباره‌كى ژ وان ب دووماهى هاتبوو،دادوه‌رى  دیاركر كو د ئه‌ڤ ساله‌دا ژى پێنج كه‌س ب تومه‌تا بكارئینان و فروتنا تریاكێ و كه‌ره‌سته‌یێن بێهوشكه‌ر هاتینه‌ حوكمكرن و سێ ژ وان ده‌ه سالان هاتنه‌ زیندانیكرن و دو ژ تاوانباران ژى پازده‌ سالان،دیسا ئاشكه‌راكر كو ئه‌و كه‌سێن كه‌ره‌سته‌یێن بێهوشكه‌ر بكارئیناین،هه‌موو ئه‌و كوردن یێن ژ ده‌رڤه‌ى كوردستانێ ژیاین و ڤه‌گه‌ریاینه‌ ده‌ڤه‌رێ ،دیسان گوت:گه‌له‌ك باشه‌ ل شونا زیندانكرنا ڤان كه‌سێن مودمن،جهه‌ك هه‌بیت سه‌ر ب وه‌زاره‌تا ساخله‌می ڤه‌ كو تێدا چاره‌سه‌ریا وان بهێته‌كرن،چونكى ب گرتنا وان زیان پتر دگه‌هنێ، سه‌باره‌ت چاندنا تریاكێ ل كوردستانێ دادوه‌رى دیاركر كو چ كێشه‌ ل دۆر ڤێ چه‌ندێ ژ ناڤ كوردستانێ نه‌گه‌هشتینه‌ دادگه‌هێ و گوت:به‌لێ به‌ره‌ى نوكه‌ ل ده‌ڤه‌را ره‌بیعه‌ دو زه‌ڤیێن تریاك چاندنێ هاتینه‌ ده‌سته‌سه‌ركرن و ڤان كه‌سان بزاڤ دكرن ل ناڤ كوردستانێ به‌لاڤ بكه‌ن.