Evropress

20/2/2008

سه‌رۆكێ هه‌رێما كوردستانێ ده‌ستدرێژیێن توركیا بۆ سه‌ر هه‌رێما كوردستانێ ب شه‌رمزارى سالوخه‌تدان و دیاركر كو توركیا چ مفا ژ هێرشێن ئه‌سمانى نه‌دیتن و گوت:نه‌ ب توپبارانكرنێ و نه‌ ب ئوپه‌راسیونا سه‌ربازى ئه‌ڤ كێشه‌یه‌ چاره‌سه‌ر دبیت،سه‌روكێ بارزانى دیاركر ئه‌ڤ پرسگریكه‌ ناڤخویا یه‌،نه‌ یا هه‌رێما كوردستانێ یه‌ و په‌په‌كه‌ ل ناڤخویا توركیایه‌ و گۆمان برن كو توركیا نیازه‌كا دى ل هه‌رێما كوردستانێ هه‌یه‌ و په‌په‌كه‌ كریه‌ بهانه‌،بارزانى ره‌خنه‌ ل هه‌لویستێ حكومه‌تا عیراقێ ژى گرتن كو یابێ هه‌لویسته‌ به‌رامبه‌ر توپبارانكرنێن فرۆكه‌یێن توركیا ل ده‌ڤه‌رێن كوردستانێ و دیاركر كو ژ نوكه‌ وێڤه‌ داخوازا هه‌لویستان ژى ناكه‌ت،بارزانى گوت:سه‌بركێشانێ سنورێن خو هه‌نه‌ و ئه‌گه‌ر توركیا ل سه‌ر زیان گه‌هاندنێ ب وه‌لاتیان به‌رده‌وام بوو،ئه‌م نه‌شێین بێده‌نگ بمینین،روژناما زه‌مان توده‌تى یا توركى ئاشكراكر و عه‌لى باباجان وه‌زیرێ ده‌رڤه‌ یێ توركیا دوپاتكر كو له‌شكه‌رێ توركیا مژوولى خۆ به‌رهه‌ڤكرنێ یه‌ بۆ هێرشه‌كا له‌شكه‌رى یا مه‌زن بۆ سه‌ر هه‌رێمێ،روژنامه‌یێ ل روژا پێنجشه‌مبا بورى دیاركریه‌ كو هێزێن توركیا چه‌ندین بنگه‌ه ل سه‌ر چه‌ند چیایان داناینه‌،دهزر وان دایه‌ ل بهارا ئه‌ڤ ساله‌ ژ دو به‌رووكانڤه‌ هێرشى! بكه‌ن،ئێك ژ درێژیا كه‌مه‌را سنورى دناڤبه‌را عیراقێ و توركیا و ئیرانێ،یا دى ل ناڤخویا توركیا ب خۆ ل ده‌ڤه‌رێن كوردیێن ل سه‌ر توخیبى،دهه‌ردو حاله‌تان داژى كورد دێ ل به‌ر پیا چن،