دهمێ یهكگرتوو ژ دیموكراسیهتێ
درهڤیت ؟
بشار كیكى
ههڤكارێ من (قاسم حسێن) دڤێت
روژنامهڤانهكێ بێ ئالى بیت ،
وحهتا حهفكێ ب بهژن وبالا
یهكگرتوو دبێژیت.. یهك خاڵ ژى
كو یا سلبى بیت نه شیایه بێژیت
وئهڤێ بیرا من د گوتنهكێ دئینیت
كو ل سهر دهمێ شهرێ سار د
ناڤبهرا روسیا وئهمریكا بهحسێ
ئازادیا ل ههردوو وهلاتان هاته
كرن ئینا یێ ئهمریكى گۆت ئهز د
شێم وبچمه د كونگرێسى ڤه وتێر ب
هاڤێمه سهروكێ ئهمریكا ، ئینا
یێ روسى ژى لێ ڤهگێرا وكۆتێ ئهز
ژى دشێم بچمه دناڤ كرملینێ دا
وتێر بهاڤێژمه سهروكێ
ئهمریكا..
ئهز وهك كهسهك
وروژنامهڤانهك باوهرى ب فره
لایهنیێ ودیموكراسیهتێ ههى،
پیروزباهیێ ل 14 سالیا ئاشكراكرنا
یهكگرتوو دكهم.. لڤێره دخوازم
بێژم دڤێت جهێ سهرفهرازیێ بیت
كو ل سهردهمێ ئازادیێ ودناڤ
جهرگێ شهرێ خوكوژیێ دا وب
ئهنقهست یهكگرتوو هاته ئاشكرا
كرن!؟ یهكگرتوو ههمى د ئازادن
بهاڤێژنه ههردوو حزبان بهلێ من
نه دیتیه یهكگرتوویهكى
هاڤێتیه حزبا خۆ و رهخنهیهك
لێكرى وههر وهكى دمهعسومن ژ
خهلهتیێ .
یهكگرتوو درێكا ههڤالێن خۆدا
نهب تنێ رهخنهیا ئاڤاكهر نا
هاژۆن بهلكوو ههولددهن
كهلتورێ بێ ئومێدیێ ژى
پهیدابكهن وههر تشتهكى باش ژى
هاتبیته كرن د ئاڤێ دا بهردهن
كو ئهڤهژى د گهل لوژیكێ
سهردهمێ نا گونجیت چونكه ههر
ههلسهنگاندنهك دڤێت یاڤالا
نهبیت ژ باشى وخرابیان ئهڤجا
ئهز دخوازم ههڤالێ من وههڤكارێ
من قاسم حسێن دكونا دهرزیكێدا
نه سهحكهته رهوشا سیاسى ل
كوردستانێ وئهو باش دزانیت
ههردوو حزبێن سهرهكى پشتى
سهرهلدانێ نه هاتینه ئاشكراكرن
وهك یهكگرتوو، بهلكو خوین
رێتیه وئهڤرۆ یهكگرتوو هاتیه
سهر سفرا حازر وگرار ژى ب دلى
نینه. د ئاستێ سیاسهتا
نهتهوهیى دا ههردوو حزبان
بارهكێ مهزن هلگرتیه ودهور
وبهران وهكى گورگان دهڤێ خۆ
ڤهكرینه ودخوازن مهداعویرن..
خهلهتى وپهشیمانى د ئاستێ
نهتهوهى دا كارهكێ یهكجار
پیروزه وئهڤرو یهكگرتوو ژى چ ب
مهركهز یبیت یان ژ نهچارى بیت
ئالایێ كوردستانێ ل سهر
بارهگایێ خۆ هلگرتیه (چونكه
ناڤێ كوردستانێ پێڤهیه) ودروشمێ
ههردوو حزبان ژى (یان كوردستان
یان نهمان) بوو.
ههر تشتهك دخێرا تهڤایا
مللهتى دا بیت بلا یهكگرتوو پێ
خۆش بیت وهند لهزێ نهكهت
هۆسازوو كورسیكێ وهربگریت چونكه
خهبات وماندو وچونهكا مهزن بۆ
دڤێت، ههروهكى ڤان ههردوو
حزبێن مهزن كرى. نهخا سمه
ههڤال قاسم بخوژى دبێژیت حزبهك
نیڤا هێزا سیاسى ولهشكرى
وجهماوهرى ... ئانكو دزانیت
ئهڤ ههردوو حزبه زور د مهزنن.
دیسان ژبیرا خو دبهت كوو د
ههڤركیهكا سیاسى یا
ههلبژارتنان دا ڤان ههردوو
حزبان دهسههلات وهرگرتیه،
نهكو هاتینه سهر سفرا حازر...
چ شهرێ ناڤخویى وچ ههر
كێماسیهكا ل كوردستانێ پهیدا
بیت، بهرى یهكگرتوو بێژیت
ههردوو حزبان داخوازا لێبورینێ ژ
خهلكێ كوردستانێ كریه ومللهتێ
كوردستانێ ورهوشا ئهو تێدا
ههمان رهوشبوو یا كو ل جیهانا
پێشكهفتى ژى پهیدا بووى
ههروهسا دناڤ جیهانا ئیسلامى دا
ژى یا كو ههڤال قاسم تهرویجێ بۆ
دكهت ههتا نۆكه سهرێ خهلكى
دبرن وكوردا ب كافر دزنن..
باوهربكه كاك قاسم باوهرناكهم
ههردوو حزب محتاجى من بن مهتحێت
وان بكهم یان ژى بهاڤێژمه
یهكگرتوو بهلێ ئهز ژى دخوازم
بو چونێت خۆ دوور ژحزبا یهتیا
بهرتهنگ بهرچاڤ بكهم..
یهكگرتوو نه ب شانێن خۆ یێن
نوكه ونه ژى ب بهرنامهێن خۆ
نهشێت دهربرینێ ژ ههست وسوزا
خهلكێ كوردستانێ بكهت چونكه ب
تنێ یال سهر خهلهتیێن هندهك ژ
بهرپرسێن ههردوو حزبان دژین .
بهلێ كوردا دوزهكا زور مهزن
ومهزنتر ژ ڤێ چهندێ ههیه وڤان
ههردوو حزبان ههڤركیێن خۆ دانه
لایهكى وئهڤ بارێ گران هلگرتن
وروژ بو روژێ دوژمنێن كوردا ب
رێكا هزرا ئاینى وگڤاشتنێت
ئابوورى بارێ وان گرانتر لێ كریه
زێدهبارى هندهك گڤاشتنێت ناڤخوى
بخوژى نهخا سمه گهندهلیا
هندهك بهرپرسان وههبوونا
كوتلهبازیێ ... ههمى ههڤالێن
یهكگرتوو دجیهانا ئیسلامى دا نه
وهكى یهكگرتوو دئازادن
دوهلاتێن خودا ههر چهنده ئهو
ئهڤه پتره ژ نیڤ چهرخى خودان
دهولهت و سهرهوهرى نه .
بلا یهكگرتوو وهك حزبهك
خهباتا خو یا سیاسى بكهت بهلێ
بهرنامه و بیر وباوهرێن خو
بهلاڤ بكهت نهكو بهرنامێ خو ل
سهر خرابكرن و چونهكرنا یێ
بهرامبهر ئاڤا بكهت ،
ههڤالینو باش بزانن رێڤهبرنا
كوردستانێ نه كارهكێ بساناهى
یه و گهلهك یا خوشه مروڤى چ
شوله پێ نهبیت و تهماشهكهر
بیت و بهاڤێته ڤى و وێههنێ .
دڤێت ههڤالێن یهكگرتوو بزانن كو
هوسا بساناهى نینه دهستههلاتێ
وهربگرن چونكه دڤێت ببنه خودان
بنهمایێن رهسهن و كورد دناڤ
مللهتى دا و ئهڤا ههنێ هێشتا
یا زویه و هندهك دبێژن چ جارا
پهیدا نابیت ، دیاره ئێكگرتو
گهلهك ب رهوشا توركیا و
فهلهستین و مسرێ داخبار بوویه
، بهلێ ههمى تیشت درێژهیى نه
و نه ئهو جهه و نه ئهو
دهمه و هوسا زو بلا خو دسهردا
نهبن .. ئهو خالێن ههڤال قا
سمى دگوتارا خودا دهژمارا 375 و ل
بهرپهرێ 3 یێ روژناما رهسهن
بهلاڤ كرین نه دنو نه و
راگههاندنا كوردستانێ گهلهك
هویر تر بهحس ژێ كریه ، بهلێ
مخابن مژاتییهك دناڤ گوتارا وى
دا ههبو و دڤیا ب بهلگه و ناڤ
ونیشان ژێدهرێن خو دیار كربان
.چونكه نه درهوشهكا نهێنى
دانه و ئهڤه 14 ساله هاتینه
ئاشكرا كرن و دهعوهیا خو ب روهن
و ئاشكرا بهلاڤ دكهن .
ب دیتنا من دو رێك ل ههمبهر
یهكگرتوونه یان دڤێت وهك
حزبهكا بهشدار دبهرنامێ سیاسى
یێ حكومهتا ههرێما كوردستانێ دا
پشكداریێ بكهت یان ژى خو بدهته
لایهكێ و وهكى حزبهكا
بهرهنگار رهفتارێ بكهت ئانكو
ئهوان دڤێت ب تنێ ددهستكهفتیان
دا پشكداریێ بكهن و دتهنگاڤى و
نهخوشیان دا وان شوله پێ نینه
، ئهڤه حالهتهكێ نهیێ
ساخلهمه و نیفاقهكا سیاسى یه
، یا دیتر دخوازم شاشیهكا ههڤا
ل قا سمى راستڤهكهمه دهمێ
نوزانیت كورد كو جوداهى دناڤبهرا
حكومهتێ و حوكمى دا چ یه و ژ
ههڤ دو جودا دكهت كو دبێژنه
ههردووان دهستههت چونكه
حكومهت وهك دهستههلاتا بجه
ئینانێ دسیستهمێ دهستههلاتێ دا
یاسا و بریاران بجه دئینیت و
یهكگرتو ژى دبهشداره
دپهرلهمانى و حكومهتێ دا ئانكو
ددهستههلاتێ دا و ب گورهى
قهبارێ خو و ئهنجامێن
ههلبژارتنان ، مروڤ خودان باوهر
دڤێت ب ئینساف بهحسێ ههر تشتى
بكهت و یهكگرتوو هێشتا یا
ساڤایه و پێویسته باوهرى ب
دیموكراسیهتێ و ئهنجامێن وێ
ههبیت و ژێ نهرهڤیت .
