((من چوار پۆسته ههنه وئهز یێ
ل ژڤانێ دو یێن دى))..!!
ئهمیر ئهتروشى
((مامۆستا بێ زهحمهت
بهرى بچمه دناڤ ناڤهرۆكا
بابهتێ خۆدا، حهز دكهین
كورتیهكێ ژ ژیانا ته یا نوكه
وئهرك وكارێن ته بۆ تهماشهڤان
وگوهداران پێشان بدهین))
((ئهز فلان كهس كورێ
فلان كهسى، ل فلان سالێ ماجستێر
وهرگرتیه وپاشى دكتورا ومن
هنده بهرههم ههنه، ونوكه من
فلان پۆسته ههیه وفلان ههیه
وفلان كارى دكهم و ب دهمهكێ
نێزیك دێ بمه فلان تشت وفلان
پۆستهى وهرگرم، ئانكو دێ دو
پۆستێن دى زێدهبارى ههر چوار
پۆستێن خۆ وهرگرم))
ئهڤا لسهر
پۆختهیهكا كورته دناڤبهرا دو
كهسان دا رووداى كو ئێك ژوان
پێشكێشكهر بوو ویێ دى مێڤانێ
بهرنامهى بوو، خودانێ شهش
پۆستان وكهس نزانیت چ شول دكهت.
ئهم یێ دسهردهمهكى
دا دژین، رهنگه ئهگهر كهسهك
ئێك كار بكهت دێ ل نانى گهریت،
ئهگهر ل نانى ژى نه گهریت دێ
ب زۆرى ژیانێ برێڤه بهت، دبیت
یا نامۆ نهبیت ئهگهر گهنجهكێ
خوون گهرم وئهكتیڤ دو شولا
بكهت وشیان ههبن یێ سیێ ژى
بكهت، لێ یا نامۆ ئهوه ئهگهر
كهسهكێ دانعهمربیت وشهش كارا
بكهت، نهخاسم ئهگهر ئهڤ
كاره ههموو پۆسته بن وئێك ژیێ
دى گرنگتر بیت، و ئهڤ پۆسته
ههموو ژى دبێ ماندیبوون بن،
ئانكو تنێ كورسیك زڤراندن وبهریك
گهرمكرن بیت، لێ دڤى بیاڤى داتنێ
پرسهك خۆ ل گۆرهپانێ ددهت
ئهوژى، ئایا ئهڤ كهسێ خودان
ژمارهكا پۆستان دێ شێت داهێنانێ
دكارێ خۆدا كهت!؟ بهرسڤ یا روون
وئاشكرایه دێ نهخێر بیت، چونكى
داهێنان دئێك لایهنى ود ئێك كارى
دا دهێته كرن نهك دژمارهكا
پۆستان دا.
ئهگهر ئهم ب گشتى
تهماشهیى وهلاتێ خۆ بكهین
وراپرسینهكێ چێ كهین رهنگه
ژمارهكا باش یا خودان شیانان پتر
ژ سێ وچار كار وپۆسته ههبن
وئهگهر ئهڤ چهنده نهبیت
جۆرهكێ گهندهلیێ دبیت مهترسى
بیت لسهر جڤاكى، چونكو بڤێ
چهندێ دێ ئهو گۆتن خۆ ل
گۆرهپانێ دهت ئهوا دبێژیت
(هندهك بۆ مرن وهندهك پێ مرن)
ئانكو مرادا هندهكایه نهك
پۆستهكى وهرگرن بهلكو مرادا
هندهك كهسایه بهێنه
دامهزراندن وهندهك ژى دناڤ
پۆستان دا بهرزهبوون.
ب دیتنا من دڤێت
پێنگاڤێن لهز بۆ ڤێ ئاریشێ
بهێنه هاڤێتن وچارهیێن لهز بۆ
بهێنه دیتن، وئهگهر لیژنهك
بهێته پێكئینان وڤێ چهندێ ئێك
لا بكهت وپۆسته ههموو بهێنه
ژێك ڤاڤارتن ولسهر گشت خودان
شیانان بهێنه بهلاڤكرن، دا
كهسێ ههژى ل جهێ ههژى بهێته
دانان دێ پێنگاڤهكا زۆر مهزن
بیت بهر ب پێشڤهچوون و وهرارا
گهلێ مه.
