گویل:ئارێشا كوردان یا هه‌میانه‌ و پێدڤى یه‌ ب رێكا ئاشتیانه‌ بێته‌ چاره‌سه‌ركرن

Evropress

13/3/2008

روژنامه‌یا میلیه‌ت یا توركى به‌لاڤكر،عبدللا گویل سه‌رۆكێ كومارا توركیا،به‌رى به‌ره‌ڤ وه‌لاتێ سنیگال بچیت،ل باله‌فرخانا ئه‌سبوغ ل ئه‌نقه‌ره‌ یا پایته‌خت ،دكونگره‌یه‌كێ روژنامه‌ڤانى دا راگه‌هاند:هنده‌ك كه‌س ئارێشا كوردان ب بابه‌ته‌كێ تیروریستان بناڤ دكه‌ن و هنده‌كێن دى ژى ب ئارێشا روژهه‌لاتا باشورى دادنن،به‌لێ دراستى دا ئه‌ڤ ئارێشه‌ یا هه‌میانه‌،گویل ده‌رباره‌یێ كومبونێن خو دگه‌ل به‌رپرسێن پارتا كومه‌لگه‌ها دیموكرات ده‌ته‌په‌ گوت:ده‌ته‌په‌ پارته‌كا په‌رله‌مانیه‌ و به‌ره‌یێ خو د په‌رله‌مانى دا هه‌یه‌ و ئه‌ز وه‌ك سه‌رۆك كومارێ هه‌مى لایه‌كى و ل سه‌ر داخوازا ده‌ته‌په‌ ژى مه‌ دیدار دگه‌ل ئێك سازكر و من گوهداریا وانكر و هنده‌ك زانیارى ژى پێدام،

د درێژیا ئاخڤتنێن خودا گویل گوت:پرسا كورد بتنێ یا لایه‌نه‌كى نینه‌ و به‌لكو پرسا هه‌میانه‌ و پێدڤیه‌ ئه‌ڤ ئارێشه‌ ب رێكا ئاشتیانه‌ بێته‌ چاره‌سه‌ركرن و دڤێت ل ده‌ستپێكێ دا هه‌مى پارتێن سیاسى و سیاسه‌تمه‌دار هه‌ڤكاریێ بكه‌ن بۆ چاره‌سه‌ركرنا ئه‌ڤێ ئارێشێ.