|
|
مهزنترین بنگههێ جڤاكی و پهروهردهیی ل دهۆكێ دهێته ئاڤاكرن
2010-03-10
دهۆك، ئهمیر ئهترووشی:
|
|
|
سهرۆكێ لژنا سهرپهرشتیارێن پرۆژێ شمك زهران دیار كر، ب گۆژمێ 19 ملیون دۆلاران مهزنترین بنگههێ جڤاكی و پهروهردهیی ل شمك زهران كو ژ قوتابخانهكا نموونهیی پێك دهێت ئاڤاكرن و دبیت ل دووماهیا ئهڤ ساله ب دووماهی بهێت.
ئهندازیار محهمهد جهمیل رهشید، سهرۆكێ لژنا سهرپهرشتیارێن پرۆژێ شمك زهران ئاشكرا كر، ئهڤ پرۆژه دێ 30 پۆلان و باخچێن زارۆیان و ههتا قوتابی ژ قۆناغا شهشێ دهربچیت بخۆ ڤهگریت و ماوهیێ ئهنجامدانا پرۆژهی 18 ههیڤن و تایبهت بۆ ئهڤرۆ گۆت: (ئهڤ پرۆژه دێ بیته قوتابخانهكا نموونهیی و پێشكهفتی ل دهۆكێ).
ناڤبری دیسا دبێژیت: پرۆژێ قوتابخانا شمك زهران، ب هاریكاریهكا ئێكسهر یا پارێزگارێ دهۆكێ هاتیه ئهنجامدان و ئهڤه ههموو پشتهڤانیا وی بوویه ئهگهر دبیت ئهڤ پرۆژه ل باژێرهكێ دی یێ ههرێما كوردستانێ هاتبایه ئهنجامدان، چونكو ب پارێن خێرخوازی و گازێ دهێته ئاڤاكرن.
ل دۆر كۆمهلگهها پهروهردهیی ئهوا نوكه ل جهێ گورستانا نێزیك ئوڤهرپاسا شمك زهران دهێته دروستكرن، وهیسی سلێمان رێڤهبهرێ پهروهردهیا قهزا دهۆكێ دیار كر، ئهو پرۆژهیهكێ پهروهردهیی یێ ههره گرنگه بۆ باژێرێ دهۆكێ كو یێ پێكهاتیه ژ 36 ژۆرێن خواندنێ د گهل باخچه و داینگههان و دێ رویهكێ شارستنی و مفایهكێ ئێكجار زۆر گههینیته خهلكێ دهۆكێ و گۆت: ل دهمێ ئهڤ كۆمهلگههه ب دووماهی دهێت دێ ل وی دهمی بڕیار هێته دان كا دێ بۆ چ جۆرێ خواندن ب كارئینین، ههروهسا دێ ڕا و بووچونێن خهلكهكێ شارهزا و پسپۆر ل دهۆكێ ژی وهرگرین سهبارهت ڤێ كۆمهلگههێ، دا كو بۆ بهرژهوهندیا گشتی دروست ب كاربینین. موستهفا ئهحمهد ئیمام و رێڤهبهرێ سهنتهرێ پێشڤهبرنێ ل پارێزگهها دهۆكێ دیار كر، ئهڤ پرۆژهیه ژ پارێن هندهك خێرخوازان دهێته ئاڤاكرن ل دووڤ سیستهمهكێ ئهورۆپی و ل دووماهیكا ئهڤ ساله دێ ب دووماهی هێت.
ئهندازیار محهمهد جهمیل رهشید ئهو ژی دیار كر كو ئهڤه ئێكهمین قوتابخانهیه ل كوردستانێ و ژ گهلهك پشكان پێك دهێت، ئاڤاهی سێ قاتان بخۆڤه دگریت دگهل 30 پۆلان و خواندن دبیت ژ سپێدێ ههتا ئێڤاری بیت چونكو ههتا جهێن خوارنێ ژی لێ هاتینه دروستكرن.
زێدهتر ل دۆر پێكهاتێن پرۆژهی گۆت: بهشێ وهرزشێ و هۆلێن گرتی دگهل كافیتریایهكێ و هۆلهكا كۆمبوونا یا مهزن و گۆرهپانهكا مهزن یا دهرهجكری و هندهك باخچێن بهێنڤهدانێ و تاقیگههێن زانستی و زمانی و گهلهك تشتێن دی پێك دهێت.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|