|
|
ل پشت ههر زهلامهكێ سهركهفتی ژنهك یا ههی
2010-02-08
دهۆك، زهری نهوزاد:
|
|
|
دهما كو ئهڤینی د ناڤبهرا كچ و كوری دا ههبیت یهكسانیا بیر و هزری پهیدا دبیت لهورا ژی دێ بینی كور ل ڤی دهمی دا حهز ژ باوهری ب خۆ بوونا وێ كهت،بهلێ هندهك زهلام ژی حهز دكهن ژن بتنێ باوهرێ بدهته وی و ههست بكهت كو نهشێت بێ وی بژیت تاكو بشێت كونترولی لسهر بكهت.
ئومێد مزیری ل دور حهزا كوران ژ بو كچێن باوهری ب خو ههی دبێژیت: رێژهكا گهلهك كێم ژ كوران حهز ژ وێ كچێ دكهن یا خودان كهسایهتی و باوهری بخو بیت، بتریا زهلامان حهز دكهن ژن بتنێ باوهریێ بدهنه وی و ههست بكهن كو بێ وی نهشێن بژین ، بهلێ چینا تێگههشتی ژ كوران یێن گههشتینه وێ باوهریێ كو سهركهڤتنا ژیانا ههڤژینی و خێزانا وی دێ ب پشكداریا رهگهزێ دی بیت، د ههموو بریار و پێنگاڤێن ژیانێ و دڤێت ههڤژین ل ئاستێ مروڤی بیت تا لێك گههشتن د ناڤبهرا وان دا ههبیت .
ڤهكولهرێ چڤاكی سهعید جهرجیس بارانی دیار دكهت ئهو كورێ باوهری بخو ههی حهز دكهت ئێكێ بخوازیت كو باوهری بخو ههبیت و بیركرنا زهلامی یا زانستی ڤێ دخوازیت كو ژن یا ب باوهری و خودان كهسایهتی بیت تا كو ئهو زهلام سهر بكهڤیت و گوتنهك یا ههی دبێژیت ل پشت ههر زهلامهكێ سهر كهفتی ژنهك یا ههی .
نارین عصمهت كجهكا 23 سالیه دبێژیت كور پتریا جاران حهز دكهت كچێ باوهری بخو نهبیت تا كو بشێت كونترولی لسهر بكهت لهورا ژی حهز ژ وێ كچێ ناكهت یا بریار و كهسایهتیا خو ههبیت و لسهر باوهرێن خو یا رژد بیت بهلكو حهز دكهن هه تشتهكێ ئهو بخوازن ئێكسهر باوهریا خو پێ بینن لهورا ژی دێ بینی پتریا كچێن خودان باوهرنامێن مهزن كهس ناخوازیت داكو خو ئاستێ وێ ژ یێ كوری بلند تر نهبیت و خو لسهر سهری نهبینیت ژ لایهكی ڤه ئهڤ چهنده یا خراب نینه ژ بهركو گهلهك جاران كچ ژی ئهگهر ژ ئاستێ كوری بلند تر بیت دهسته سهریێ لسهر بریار و كارێن دناڤبهرا خو و كوری دكهت.
ژ لایهكێ دی ڤه ڤهكولهرێ چڤاكی سهعید جهرجیس بارانی دبێژیت دهما كو ئهڤینی ل دهڤ كچ و كوری پهیدا دبیت یهكسانیا بیر و هزری پهیدا دبیت لهورا ژی دێ بینی كور دێ ل ڤی دهمی دا حهز ژ باوهری بخو بونا وێ كهت و دێ بینیت كو دێ ژیانا وی سهركهفتی تر بیت ئهگهر ئهڤ ههڤژینه یا خودان شیان بیت و باوهری ب خۆ ههبیت و ژبهركو نوكه ژیانا ب زهحمهت كهفتی ئهكهر ژن یا ههڤكار نهبیت دگهل زهلامی زهلام نهشێت سهركهفتنێ د ژیانا خو دا بدهست ڤه بینیت .
دلێر ههڤال 33 سالیه و خێزانداره ل دور كچا باوهری بخو ههی دبێژیت چ پێنهڤێت كچا باوهری بخو ههی دێ شێت ژیانهكا سهركهفتی تر ژیت ژ ئێكا باوهری بخو نهبیت ژ بهركو كچا باوهری بخو نهبیت نه زهلامێ وێ نه خێزاناوێ دشێن باوهریێ پێ بینن ژلایهكێ دی ڤه ئهو بخو ژی نهشێت سهرهدهریێ لسهر چ بكهت و ههر كهسهكێ تشتهكی بو بێژیت دێ باوهر كهت و لدووڤ چیت .
ل دور ئهو كهسێن حهز ژ كچا بێ باوهر دكهن ڤهكولهری گوت:ئهو كهسێ حهز دكهت كچهكێ ههلبژێریت خودان كهسایهتی نهبیت و باوهری بخو نهبیت یان زوو خو تهسلیمی وی بكهت كهڤنه پهرستی ل دهڤ وی كهسی ههیه و حهز ژ بن دهست كرنا ژنێ دكهت و رهنگه ئهو بڤی رهنگی هاتبیته پهروهرده كرن .
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|