|
|
ئهرێ یان نهرێ یا كچان چ كارتێكرنێ ل كوڕان دكهت ؟
2010-03-10
زاخۆ، ژیان عزهددین:
|
|
|
كۆڕان نه شهڤه و نه روژه و نزانن دهمێن وان چاوا دبورن و رۆژ ل بهر بووینه مهه و مهه ل بهر بووینه سال و ههردهم ل هزرا بهرسڤێ نه كا دێ گوه ل ئهرێ یان نهرێ بیت و نوشدار و مامۆستایێن دهروونی ژی دبێژن زوربهیا ڤان گهنجان تووشی بوارێن دهرونی دبن.
ب هیڤیا گوتنا ئهرێ یان نهرێ كو ل دهڤێ وێ كچا ئازادی بخۆ گوتیێ دهركهڤیت ئهو زۆر یێ دل تهنگ و ماندی كری و ئهو بێهن فرههی وی نهمایه ئێدی خۆ بگریت ل هیڤیا بهرسڤێ و دبێژیت: ئهگهر ئێشهكا دهروونی من بگریت ئهگهرێ سهرهكی ئهڤ بابهتهیه و ب من وهره زوربهیا گهنجێن نها كۆ ئێشێن دهروونی ههی ئهوژی وهكو من چاڤهرێ گۆتنهكێ نه ل دهڤێ كچان دهربكهڤیت، ئازاد گهنجهكێ ٦٢ سالی بوو گۆت زوربهیا دهمی ب شهڤ و رۆژ مرۆڤ د هزرێن وێ چهندێدایه كا دێ ئهو كچ چ بهرسڤ دهته مرۆڤی. ههژار گهنجهكێ دی یێ ٥٢ سالی بوو گۆت: ئهڤه دوو ههیڤن ئهز ب هیڤیا بهرسڤا كچهكێ و ههر رۆژ دبێژیته من هێشتا ب دروستی من هزرێن خۆ نهكرینه و نه گههشتیمه بریارا دووماهیێ، لهوما ئهز نزانم چ بكهم و روژهكێ خۆ ب ڤی كاریڤه و دوویان ب كارێ دیڤه مژوول بكهم، روژێن من وهكی جههنهمێ لێ هاتینه و حهتا سهرهدهریا من دگهل مال و برادهرێن من هاتیه گوهورین و ههر ب توندی سهرهدهریێ دگهل وان دكهم.
د. شڤان محهمهد، دیاركر كۆ یا باش ل ڤی دهمیدا ئهو ل ڤان هزرا دوور ببن خۆ ب كارهكیڤه مژوول بكهن یان سهرهدان و تێكهلیێ دگهل ههڤال و ناسیاران زێدهتر بكهن، دا ئهڤ هزره وان كهسان نه داپوشیت و كارتێكرنێ ل سهر نهكهت، د. شڤانی گۆت ژی: راسته نه دووره ئهڤ كهسێن بێ ههدار تووشی ئێشێن دهروونی ببن و ئهڤ ئێشه ل هندهكان دێ ڤهكێشیت و نه دووره چاره ژی نهبیت و ل هندهكان ژی ب بورینا دهمهكی دێ چاره بیت و وهكۆ بهرێ زڤریتن، یا باش ئهوه كور و كچ باش د ئێك و دوو بگههن پاشی خۆ پاڤێژنه د ڤێ جیهانێدا چونكۆ بریارا بلهز ژی دێ وان بهرهڤ ئاریشهیێن جڤاكی بهت و ژیانا وان پێكڤه بهردهوامی ناكهڤیتێ.
مامۆستایێ دهروونناس مههدی نهعمهت دیار كر كۆ ئهگهر كور و كچان بڤێت باش د ئێك و دوو بگههن پێدڤیه لهزێ نهكهن و زوو بریارێ نهدهن و یا باش ئهوه پتر ل هزر و بیر و سالوخهتێن ئێك و دوو بگههن پاشی بریارێ ل سهر پێكڤه ژیانێ بدهن و نهخاسمه ئهگهر هێشتا قوتابی بن دڤێت بهری خواندنا خۆ بدووماهی بینن و ههر ئهڤێ چهندێ ژ مێشكێ خۆ بیننه دهر، ڤی دهرونناسی گۆت ژی زوربهیا گهنجێن ئێشێن دهروونی ههین ل ڤێ ئاریشێ دا دكهلن و ئهو بێهن فرههی و تهحهمول لدهڤ نهمایه حهتا ئهنجامهك و بریارا دووماهیكێ ل سهر ئێك بدهن، ئهوژی گۆت كو كور پتر كچان د ڤی حالهتی دا تووشی ئێشێن دهروونی دبن چونكۆ ههر كهسێ بریار ل دهستان دا بیت ههلبهت ئهو خورتتره و ڤێره زوربهیا بریارێ ل دهستێن كچاندایه لهوما كور پتر دبنه قوربانی ڤێ چهندێ.
نوشدارێ دهرونی شڤان محهمهد ئهوژی دیار كر كۆ زوربهیا ههره نهخوشێن سهرهدانا بنگههێ وی دكهن گهنجن و ئاریشهیێن وانژی ههمیا د جڤاكی و ئهڤینینه، ئهڤی نوشداری نهڤهشارت كۆ ئهڤ ئێشێن ل ڤان گهنجان روو ددهن زوربهیا وان ئهو ههدار نینه خۆ ل هیڤیا دهمی بگرن تا بگههنه ئهنجامان و گهنجێ نها ههر زوو حهز دكهن تشتهك بكهڤیته د دهستان دا، ئهوژی گۆت كۆ تا نها شیاینه چارهسهریا چهندین ڤان گهنجان بكهن بێ ی كۆ هیچ دهرمانهكێ بكار بینن.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|