|
|
سندۆقا هاریكاریكرنا گهنجێن خودان پرۆژه یا نێزیكی پهرلهمانی دبیت
سندۆقا هاریكاریكرنا گهنجێن خودان پرۆژه یا نێزیكی پهرلهمانی دبیت
دهۆك، ئازاد نسری:
|
|
|
رێكخهرێ پرۆژێن ناڤهندا ئاینده بۆ پرسێن گهنجان ل دهۆكێ دیاركر كو نها ئهو كار ل سهر پرۆژه یاسایا سندۆقا هاریكاری كرنا گهنجێن خودان پرۆژێن بچووك دكهن و بۆ ئهڤرۆ گۆت:نها پرۆژه ل قوناغێن دووماهیێ یه و هژمارهكا زۆرا ئیمزایێن پالپشتی كرنێ هاتینه كومكرن و دهه پهرلهمانتاران ژی پرۆژه پهسهندكریه و ل دهمهكێ نێزیك دێ بۆ پهرلهمانی هێته پێشكێشكرن.
نهوزاد پیرموسا، دیاركر كو دانانا ڤێ سندوقێ پتر گرنگی دانه ب گهنجان و دانهكار یا شیانێن وان و لێك نێرینهكا زێدهتر ژ بۆ كێمكرنا كێشهیێن وان یێن ئابووری و د ئهنجام دا كێمكرنا فشار و گرانیا ل سهر حكۆمهتێ یه، دا كو بهرێ گهنجان ل هندێ نهبیت ب تنێ ل دام و دهزگایێن حكۆمهتێ بهێنه دامهزراندن، بهلكو بشێن مفای ژ شیانێن خۆ ب رێكا ڤێ سندوقێ و ئهنجامدانا پرۆژین بچووك ببینن و كهرتێ تایبهت پێ پێش بكهڤیت و گۆت:ئهڤ سندوقه یا پێكهاتیه ژ هاریكاری كرنا گهنجێن بێكار و نهدامهزراندی ل دام و دهزگههێن حكۆمهتێ.
ئهڤ پرۆژهیه دێ ژ وان گهنجان گریت یێن خودان پرۆژه و شیانێن وان یێن ئابووری یێن لاواز، دا كو بشێن مفای ژ ڤێ سندوقێ ببینن و پرۆژێن بچووك و ناڤنجی.
ل دور ئارمانجێن پرۆژهی نهوزاد پیرموسا دیاركر كو ئارمانج ژێ:
- دانهكاریا شیانێن زۆرێن گهنجان.
- كێكمرنا بێكاریێ ل دهڤ گهنجان.
- هاندانا كهرتێ تایبهت.
- كێمكرنا فشار و گرانیێ ل سهر حكۆمهتێ.
- دوور ئێخستنا گهنجان ژ دیاردێن نهجوانێن ناڤ جڤاكی.
- سهربهخۆ بوونا گهنجان ژ لایێ دارایی ڤه.
- كێمكرنا رێژهیا چوونا گهنجان بۆ دهرڤهی وهلاتی.
نهوزاد پیرموسا ئهو ژی دیاركر كو مفایێن راستهوخۆ و نهراستهخۆ دێ ژ ڤی پرۆژهی هێنه دیتن و ئهو گهنجێن بێكار و ژیێن وان د ناڤبهرا 35-18سالیێ و د گهل خێزانا وی كهسێ خودانێ پرۆژهی دێ ب شێوهیهكێ راستهوخۆ مفای ژێ بینن، ههروهسا خهلك ب شێوهیهكێ گشتی و حكۆمهت ب تایبهتی كهرتێ تایبهت ب شێوهیهكێ نهراستهوخۆ دێ مفای ژ پرۆژێ سندوقا هاریكاری كرنا گهنجان بینن و گۆت:دڤێت ئهو كهسێ خۆ بهربژێر دكهت بۆ وهرگرتنا پرۆژهی، ئهڤ مهرجه ل دهڤ ههبن؛ ههلگرێ رهگهزناما عیراقی بیت و ئاكنجیێ ههرێما كوردستانێ بیت، دڤێت خودانێ پرۆژهی گهنجبیت 35-18سالی، كارمهند نهبیت ل ج دام و دهزگایێن حكۆمی، پرۆژه د خزمهتا گشتی و كۆمهلگههێ دا بیت، پرۆژه ل ههرێما كوردستانێ بهێته ئهنجام دان و داهاتێ پرۆژهی تاكه داهاتێ خودانێ پرۆژهی بیت. سهبارهت میكانزم و شێوازێن جێ بهجێكرنا پرۆژهی، ناڤهاتی گۆت: ل دووڤ ڤان خالان پرۆژه دێ هێته بجهئینان:
- تهرخانكرنا بودجهیهكێ دیاركری ژ لایێ حكۆمهتێ ڤه ژ بودجهیێ ههرێما كوردستانێ.
- بۆ بجهئینانا ڤی پرۆژهی، پێشنیازا دهێتهكرن كو لایهنێ پهیوهندیدار وهزارهتا كار و كاروبارێن كۆمهلایهتی بیت.
- ڤهكرنا پشكهكا تایبهت بۆ ڤێ سندوقێ و چهند پسپۆرهكێن تایبهت بۆ ههلسهنگاندنا پرۆژهی ههبن.
- ناڤهندا ئاینده بۆ پرسێن گهنجان وهكو لایهنهكێ هاریكار بۆ سهرئێخستنا ڤی پرۆژهی بیت ژ لایێ هاریكاری كارنا خودانێ پرۆژهی بۆ جاوانیا دارشتن وبجهئینانا پرۆژهی.
- پشتی پهسهند كرنا پرۆژهی گۆژمێ 50٪پارێ پێشینه ب خودانێ پرۆژهی بهێته دان و ل نیڤا پرۆژهی گۆژمێ 50٪یا دوێ بدهنێ.
- شێوێ دانا قستان، ل ساڵا ئێكێ یا پرۆژهی قست ژ خودانێ پرۆژهی نههێته وهرگرتن.
- ماوێ دانا قهرزان د ناڤبهرا5-01 ساڵان دا قهر بۆ حۆكمهتێ یان سندوقێ ڤهگهریته ڤه.
- دووڤچون و چاڤدێریا پرۆژهی ژ لایێ حكۆمهتێ ڤه بهێته كرن بۆ باش برێڤه چوونا پرۆژهی.
- خودان پێدڤیێن تایبهت و رهگهزێ مێ دهلیڤێن وهرگرتنا پرۆژهیان دێ پتر ههبیت.
رێكخهرێ پرۆژێن ناڤهندا ئاینده بۆ پرسێن گهنجان ل دهۆكێ ئاشكرا كر كو ل رۆژا 52/9/9002 ل پاركا شاندهر ل باژێرێ ههولێرێ د فیستهڤالهكا مهزن دا، سندوقا هاریكاریكرنا گهنجان هاته راگههاندن و ههر ل ههمان چالاكی 00002ئیمزایێن گهنجان بۆ پالپشتی كرنێ هاتنه كومكرن و ههروهسا ههشت رێكخراوێنNGO ل دهۆكێ ژی پشتهڤانیا خۆ بۆ پرۆژهی دیاركریه و فیستهڤالهكا مهزن ژی دێ ل دهۆكێ هێته كرن و گۆت:دهه پهرلهمانتاران رازهمهندیا خۆ ل سهر پرۆژهی دیاركریه و ئهڤه تێرا ئهنجامدانا كومبوونا نه ئاسایی یا پهرلهمانی ههنه.
|
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|