|
|
نیهات شوكری بۆ ئهڤرۆ:من بێژهریا زارۆیان پێ خۆشتر بوو
2010-02-08
دهۆك، بهیارێ زاویتهیی:
|
|
|
نیهات شوكری ژ دایكبوویا سالا 1989 و دهرچوویا پشكا نڤیسینگههایه ل پهیمانگهها گهشت و گوزاری ل دهۆكێ، ل سالا 1999بویه بێژهر ل پشكا زارۆیان ل تێلهڤزیونا دهۆك و بۆ دهمێ 8 سالان ل پشكا ناڤبری كاركریه و ل سالا 2007 بویه بێژهرا تێلهڤزیونا دهۆك.
د دیدارهكێ دا بۆ رۆژنامهیا ئهڤرۆ نیهاتێ دیاركر كو بهری ئهو ببیته بێژهر د هزرا وێ دا نهبو كو جارهكێ كارێ راگههاندنێ بكهت بهلێ پشتێ بویه بێژهر یا خۆشحاله ب كارێ خۆ، سهبارهت كارێ وێ وهكو بێژهرا پشكا زارۆیان و پشكا بهلاڤۆكا رۆژانهیا تێلهڤزیونێ نیهاتێ دیاركر كو وێ بێژهریا زارۆیان پێ خۆشتر بوو و ئهڤه بو وێ چهندێ زڤڕاند كو تێكهلیا دگهل زارۆیان یا خۆشه و جیهانهكا پری بێگوننههیه.
نیهات تێلهڤزیونا دهۆك وهكو قوتابخانهیهكێ بۆ خۆ دزانیت كو لێ فێربویه كارێ راگههاندنێ و ئێك ژ وان جهانه یێن گهلهك حهز ژێ دكهت و (ئاڤان)ێ ژی ب نێزیكترین ههڤال بۆ خۆ دزانیت.
سهبارهت ئاستهنگان ژی ناڤبریێ دیاركر كو وێ چ ئاستهنگ نینن و ل دهمێ ئێك ل جههكێ گوتنهكێ دبێژیتێ پووتهی پێ ناكهت و ئهڤ چهنده بۆ كێم رهوشهنبیریا وان زڤڕاند.
سهبارهت رۆلێ كچێ د راگههاندنێ دا نیهاتێ دیاركر كو كچێ رۆلهكێ باش د راگههاندنێ دا ههیه و یا ب هیڤی بوو كو دێ كچ پتر رۆلێ خۆ بینیت و ل دووڤ گوتنێن وێ ل بهر نینه كارهكێ دی ژ بلی بێژهریێ بكهت.
نیهات گهلهك حهز ژ سترانان و خوارنێ دكهت بهلێ گهلهك حهز ژ ئیپراخان ناكهت، ل دووماهیێ نیهاتێ سهرهاتیهكا خو د ستودیویا تێلهڤزیونا دهۆكێ ڤه ڤهگێرا و گوت: جارهكێ د بهخشهكێ ئێكسهر دا ئاگههداری دخواندن و مشكهك دسهر پێن من را چوو و ئهز گهلهك ژ مشكان دترسم بهلێ ل وێ دهلیڤێ من چ نهكر.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|