|
|
پاقژی ل دهف ههڤالان
2010-02-25
راپورت، هاجهر داود:
|
|
|
پاقژی رهوشتهكێ جوانه ل دهڤ مرۆڤی و ههموو دهما مرۆڤ حهز ژ كهس و جهێن پاقژ دكهت.
هندهك جاران دبینین كو هندهك زارۆ پاقژیا خۆ ناپارێزن و جلكێن وان د بێ سهرو بهرن و نه دپاقژن.
ل دۆر ڤێ چهندێ مه بۆ ههوه ئهڤ راپۆرته ئامادهكریه.
سامی، قوتابیێ باخچێ چیمهن، دبێژیت: ئهز گهلهك پاقژیا خۆ دپارێزم و ئهز حهز ناكهم بچمه باخچهی ههكه جلكێن من د پاقژ نهبن، ژ بهر كو ههكه ئهم د پاقژ نهبین دێ تووشی نه خوشیان بین و كهس رێزێ ل مه ناگریت.
ئیبراهیم دبێژیت: دایك دڤێت زارویێ خۆ پاقژ كهت، ههكه خووشك و برایێن مه یێن مهزن چاڤێ خۆ نادهنه مه ل دووڤدا ئهم چووینه باخچێ گیانهوهران و دا بزانین بیر و بۆچوونێن وان ل دۆر پاقژیێ، تاووسی ب ڤی رهنگی بۆمه گۆت: ئهز و ههڤالێن خۆ د ڤێ قهفهسكێ دا گهلهك پاقژیا خۆ د پارێزین و هیڤیدارین ههموو زارۆ ژی وهكی مه بكهن، جهێ داخێ یه هندهك مرۆڤ دهێن پاقژیا مه تێك ددهن و گلێشێ خۆ دهاڤێژنه د مالا مه دا.
مه دڤێت ب رێیا ههوه ئاخفتنا خۆ بگههینینه خهلكی و بێژینێ ما هوون قهبوول دكهن خهلك پاقژیا ههوه تێك بدهن؟
ههر ل وێرێ، سولتانی كۆ شێرێ باخچهیه د بێژیت: راستی ئهز د ڤێرێ دا نهشێم چ بكهم، چونكو دهرگههـ ل بهر من د گرتینه، ههكه ئهز دزانم چاوا دێ بێژمه خهلكی گلێشی د مه وهرنهكهن.
د گهل هندێ كهیفا مه گهلهك دهێت دهمێ ئهم دبینین زارۆ ل دۆر مه خڕ دبن و بێهنێن خۆش ژێ دهێن، ژ بهر كۆ دپاقژن.
ب راستی پاقژی ژیانه و مه ژی دڤێت بێهنێن خۆش ژ مه بهێن. چرا قوتابیا قوتابخانا كانی مههمهدكێ ههر ل دۆر ڤی بابهتی دبێژیت: دهما دونیا توز دگریت چاڤێن مه تژی توز دبن و دئێشن و ئهڤه رامانا وێ چهندێ یه كو پیساتی ساخلهمیا مروڤی تێكددهت دڤێت مروڤ ههمی گاڤا یێ پاقژ بیت و ل ههمی جهان.
ئهڤجا وهكو دیار كۆ پاقژی كارتێكرنا خۆ یا ههی ل سهر پهیوهندیا د ناڤبهرا زارۆیان و ساخلهمیا وان، لهوما چهند مرۆڤ پاقژتر بیت، چهند پهیوهندی ب هێزتر لێدهێن و ههروهسا پاراستنه بۆ ساخلهمیێ یه ژ نهخوشیان.
لهوما پاقژیا خۆ ب پارێزه دا ههر دهم یێ ساخ و خوشتڤی بی.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|