|
|
گۆڕان و یهكگرتوو رێكهفتینه كو پرۆسهیا ههلبژارتنان نهشرین بكهن
2010-03-04
|
|
|
خهلكێ شهرهفمهندێ كوردستانێ هشیار بن ژ رێكێن دهستكاری و بوهتانێن ئهنقهست یێن لیستا گۆران و ئێكگرتوویا ئیسلامی!!
ددهمهكیدا ئهم ل بیرا خهلكێ كوردستانێ دئینین، كو هندهك فندوفێل دتاڕیێدا تێنه كرن، لیستا ههڤپهیمانیا كوردستانی یا رژده لسهر دروستكرنا سیستمێ دیموكراسیهتهكا كارا ل ههرێما كوردستانێ ههروهسا یا رژده لسهر پشكداریكرنێ د ئاڤاكرنا دیموكراسیهتهكا راستهقینه ل عیراقا فیدرال، نه وهكو منهتهكێ یان مزایدهك لسهر كهسهكی، لێ ژ باوهریا مه ب دیموكراسیهتێ كو ئارمانجهكا مرۆڤایهتیا پیرۆزه، ئهم دوێ باوهریێ دا بوین كو هێز و قهوارێن كوردستانی و هندهكێن دی ئهوێن ل شوینا ههڤپهیمانیێ دگهل ههڤپهیمانییا كوردستانی بكهن، ههڤركی دگهل خوهستیه، كو سهربۆران ژ دیرۆكا سیاسیا سهردهما عیراقێ و كوردستانێ وهربگرن و لسهر رێكا دهستووری و یاسایێن دروست بچن و لگۆر رێنمایێن كومسیونا بلندا ههلبژارتنان و دویر ژ بوهتانان پشكداریێ د ههلبژارتناندا بكهن، ههروهسا دویر ژ ههموو بوهتان و خاپاندنێن لیستا حهدبا و هندهك لیستێن دی كو ههتا نها خهونا ب كریارێن بهعسیانڤه دبینن و شانازیێ پێ دكهن، كو دخوازن دۆزا كورد و كوردستانێ ژناڤ ببهن و دخوازن دربا ل راستهقینهیا پارتی دیموكراتی كوردستان و ئێكهتی نیشتمانی كوردستان بدهن، ئهو راستهقینهیا ب خوونا شههید و شۆرهشان بدهستڤه هاتی. لێ مخابن هندهك سهركردێن لیستا گۆران و ئێكگرتوویا ئیسلامیا كوردستانێ پلان دارێشتینه كو لسهر رێكا شاش بچن و بوهتانان بدهنه پاڵ لیستا ههڤپهیمانیا كوردستانی، كو پێكڤه د ههلبژارتنێن كوردستانێدا ل 52/7 ل دژی لیستا ههڤپهیمانیا كوردستانی ڤان پێنگاڤێن خوارێ پهیڕهو بكهن:
1- رێكهفتن لسهر دروستكرنا گومانێ لجهم خهلكێ كوردستانێ لدور ههلبژارتنان ب ئاوایهكێ گشتی.
2- توماركرنا زێدهترین ژمارهیا سكالایێن بێ بنهما.
3- دربا ل ئهنجامێن ههلبژارتنان بدهن بهری ئاشكهرهكرنێ.
4- دهركرنا زێدهترین ژمارا بهیاننامێن مژهوی و درهو.
لدور ڤێ یهكێ ئهم ڤان راستیان بۆ خهلكێ كوردستانێ ئاشكهرا دكهین:
1- لیستا گۆران و ئێكگرتوویا ئیسلامی د ههلبژارتنێن كوردستانێ دا ل25/7 زێدهتر ژ 002سكالا ل دژی لیستا ههڤپهیمانیا كوردستانی تومار كربوون، لێ پشتی ژ ئالیێ پشكا یاسایێ ل كۆمسیونا بلندا ههلبژارتنان لێكولین لسهر هاتیه كرن، 99٪ ژوان سكالایان هاتنه رهتكرن.
2- بهری دهستپێكرنا ههوێن ههلبژارتنێن كوردستانێ ل 52/7 ههردوو لیستان ههروهكو نها ژی لسهر رێكهفتی گومانا لسهر پرۆسهیا ههلبژارتنان نیشان ددهن ههتا كومسیونا ههلبژارتنان ژی ژ گومان و بوهتانێن وان قورتال نهبوو.
3- پشتی داوی هاتنا ههلبژارتنێن كوردستانێ ل 25/7 لیستا گۆران ب 92 ملیونان هاته سزا دان و هندهك لیستێن دی ژی دگهل هاتنه سزادان.
4- ههر قهوارهكا سیاسی د ههلبژارتناندا رێژهیا 001٪ د سندوقهكا دهنگدانێ دا بینیت بهرۆڤاژی پیڤهرێن ههلبژارتنێن نێڤدهولهتیه، لیستا گۆران ل باژارێ سلێمانیێ بتنێ زێدهتر ژ 002 سندوقان رێژهیا100٪ بدهست ئینا بوو.
5- لیستا حهدبا ل مووسلێ د ههلبژارتنێن 13/1/9002 دا مهزنترین سهختهكاری ددیرۆكا ههلبژارتنان دا ل عیراقێ كربوو، ب ئاوایهكی كو هێزێن چهكدار كرنه د بنگههێن ڤاڤارتنا دهنگانڤه، پشتی ڤێ یهكێ ئهرێ تێ باوهركرن كو لیستا حهدبا نمونهیهكا باش بیت بۆ لیستا گۆران ههتا دلێ خوه ژ لیستا ههڤپهیمانی هین بكهت؟.
ئهم ئهڤێ پرسیارا رهوا ئاراستهی رهئیا گشتیا كوردستانێ دكهین، ئومێدهوارین ههمی خهلك ل عیراقێ بگشتی و ل ههرێما كوردستانێ ب تایبهتی هشیاری ڤان جۆره كریار و بوهتانان بن و بزاڤێ بكهن كو پرۆسهیا ههلبژارتنان ب سهركهفتی و دادپهروهری و پاقژ بێته ئهنجامدان.
پهیڤدارێ فهرمیی یێ ههڤپهیمانیا كوردستانی.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|