|
|
ئهڤین عیسا: من نهڤێت ناڤدار ببم، حهز دكهم بینهر ژ كارێ من رازی ببن
2010-03-09
زاخۆ، عادل خێركی:
|
|
|
ئهڤین عیسا ل بوهارا 2008 هاتیه دناڤ كارێ راگههاندنێ دا و ل رادیویا گهنجا ل زاخۆ كاركریه و نوكه پێشكێشكهرا بهرنامێ پهردا هونهری یه و پهیامنێره ل تێلهڤزیونا دهلال ل باژێرێ زاخۆ.
د دیدارهكا كورت دا بۆ ئهڤرۆ دیاركر كو بهرنامێ پهردا هونهری ل كهنالێ دهلال خزمهتهكا باش بۆ هونهرمهندێ دهڤهرا زاخۆ دكهت ژبهركو باشترین رێكه بۆ هونهرمهندی كو ب ڤی بهرنامهی بشێت دهنگوباسێن هونهری یێن نوو بزانیت و گۆت: ژبهركو گهلهك یا فهره هونهرمهندی زانیاری ل سهر هونهرمهندێن دهڤهرێ و یێن بیانی ههبیت ئهڤ بهرنامه هاتهڤهكرن كو ل دهمژمێر 9 شهڤ ل ههمی پێنج شهمبیا ل سهر شاشا دهلال دهردكهڤیت و نزیكی 40 دهقیقهیان پهخش دبیت و ئهز حهز ناكهم ماوهیێ بهرنامێ من درێژتر ببیت.
ههر تشتهكێ ئهڤینێ ڤیایی یێ چێبووی و ب دهستڤه هاتی و سهركهفتنا تێدا هینایی و دبێژیت: من دڤیا ببمه بێژهر و پهیامنێرا تێلهڤزیونا دهلال وهسا چێبوو، لێ ب تنێ ئهز نهگههشتیمه حهزهكا خوه ئهو ژی من دڤێت ببمه ئهكتهرهكا زیرهك و من باوهری و شیان ژی ههنه لێ ئهڤا ئهز هزر دكهم خهونهكه و هێشتا ب جه نههاتی یه، من نهڤێت ئهز ناڤدار ببم د راگههاندنێ دا بهس ئهز حهز دكهم بینهر ژ كارێ من رازی بیت.
ئهڤین خان دهرچوویا قوناغا ئامادهیی یه و گهلهك حهز ل كارێ خوه یێ راگههاندنێ دكهت و دیاركر كو وێ گهلهك دڤێت بچیته پهیمانگهههكا راگههاندنێ بۆ هندێ ببیته پهیامنێرهكا چالاك و گۆت: بۆ كارێ راگههاندنێ كامیران بێتاسی پشتهڤانیهكا باش یا ل من كری ههرچهنده كچێن رۆژنامهڤان ل زاخۆ د ئازادیهكا بهرتهنگ دا كار دكهن لێ ل زاخۆ رهوشهنبیریا ئافرهتان تا رادهیهكی باشتره ژ سالێن بوری و پتر ژ نیڤ رۆژا من ب كارێ راگههاندنێ ڤه دچیت و گهلهك گوڤار و رۆژنامهیان دخوینم و رۆژنامهیا ئهڤرۆ ژی د سهر وان رۆژنامهیا دا دبینم لێ د سهرهندێ ڕا ئهم حهز دكهین ئهڤرۆ پتر خوه ل بابهتێن كچان بكهته خودان و دناڤ بهرپهرێن جڤاكی دا كچ د بێ بههر نهبن.
ئهڤینێ ب كهنیڤه دیاركر كو ئهو كهسێن مه ل سهر شاشهیێ دبینن و پهسنا مه دكهن ههر ئهو كهسهنه ئهوێن رێكێ ل كچێن خوه دگرن و دهرگههێن پێشڤهچوون و رهوشهنبیركرنێ ل كچێن خوه دگرن و گۆت: ئهم حهز دكهین پتر رێك بۆ كچێ بهێته ڤهكرن ب تایبهت بۆ كارێ بێژهریێ.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|