|
|
پارێن زێده نهدانێ ب شهڤ مامۆستایهكی دو كچ ژ جهێ وانهگۆتنێ دهرئێخستن
2010-03-01
ئهڤرۆ، نیوار محهمهد سهلیم:
|
|
|
كچهك د گهل ههڤالا خۆ و مامێ خۆ هاتنه ررۆژنامهیا ئهڤرۆ و ژ بۆ گهنگهشهكرن و بهلاڤكرنا كێشهیا خۆ د گهل مامۆستایهكێ پارێزگهها دهۆكێ كو كێشهیهك د ناڤبهرا وان دا پهیدا ببوو ژ ئهنجامێ گوتنا وانێن تایبهت.
ههر چهنده رهنگه ترسهك ل دهڤ ههبوو ل دهمێ ئاخفتنێ چ ژ ترسێ و چ ژ شهرمێ، بهلێ ئهڤه ئێكهم جاره د بابهتهكێ ب ڤی رهنگی كچ دهێت و ب ڤی رهنگی بهحس دكهت.
ئێك ژ قوتابیان دهست ب سهرهاتیا خۆ كر و دیاركر كو پشتی وان ههست ب وێ یهكێ كری كو ئاستێ وان ب وانا فیزیایێ یێ لاوازه و دێ كارتێكرنێ د وانێن وان كهت، هزر د هندێ دا كریه كو ماموستایهكی ب خۆ بگرن و وانێن تایبهت بێژیتێ و پشتی بووینه چوار كچ گۆت: ئیك ژ ههڤالێن من گۆت كو ماموستایێ فیزیایێ مامێ وێ یه و دێ وانێ بێژیتێ.
بهردهوامی دا ئاخفتنا خۆ و گۆت: ئهم رازیبووین ل سهر سێ سهد دولاران كو پارێ مه ههر چواران د بوو 12000 دولار و پاشان گۆت ئهز پارا ژ برازایا خۆ وهرناگرم و مه گۆت ئهو یێ ب حهزا خویه وهرگریت یان نه.
ئهڤێ كچێ یا كو ژ بهر بابهتێن یاسایی مه نهڤیایی ناڤێ وێ ئاشكهرا بكهین، بهردهوامی دا ئاخفتنا خۆ و گۆت: من خواست وانه ل مالا مه بهێته گوتن، لێ دایكا ههڤالهكا مه یا نهساخ بوو، ههر ژ بهر هندێ وانه ل مالا وان د هاته گوتن و مه گۆت دێ بۆ ماوهیهكی ل وێرێ هێته گۆتن و پاشان مه بڕیار دا ببهینه مالا مه.
ههر د درێژاهیا ئاخفتنا خۆ دا ئهڤێ كچا نوزده سالی گۆت: وێ كچێ و مامۆستای ب دلی نهبوو، مه گوته مامۆستایی ئهگهر ئهو كچ نههێت ههر ئێك ژ مه دێ وهرهقهكا دی دهته ته و دێ بهینه مالا مه و ماموستا رازی بوو، پاشان ئهو كچ ژی هاته گهل و ئهم ههر ماین چوار.
ئهڤێ كچا ل پولا شهشێ ئامادهیی دیسا دیاركر كو پاشان كێشهك د ناڤبهرا وێ و ههڤالا وێ دا پهیدا بوو نهچار بوون دا نهبیته ئاریشه ڤهگوهاسته مالا كچكهكا دی ئهوا د گهل وان و برازایا ماموستایی بوو.
پاشان گۆت: ل وێرێ مامۆستای گۆت: پێدڤیه ههر ئێك ژ ههوه سهد دولارێن دی بینیت، مه ژی گوتێ ئهم چ پارێ دی نادهین چونكو ههر ئێك ژ مه ل دهستپێكێ سێ سهد دولار یێن داینه ته و مه گوتبوو ئهگهر ئهڤ ههڤالا مه نههێت دێ ههر ئێك سهد دولارێن دی دهته ته، بهلێ هات.
دیسا بهردهوامی دا ئاخفتنا خۆ و گۆت: ل وی دهمی مامۆستای ئاخفتنێن نه جوان گوتن و گۆت ب دهركهڤن هوون د دوو روونه و ئهزمانێ خۆ بكهنه د دهڤێ خۆ دا و ئهگهر هوون دهفتهرهكا دولاری ب دهنه من ئهز وانێ نابێژمه ههوه ههردویان و بڤی رهنگی د سهر هندێ را كو ههردو ههڤالێن مه گۆت، بلا بمینن گوتێ نهخێر دڤیت هوون ب دهركهڤن.
ههڤالا وێ سهرهاتی تهمامكر و گۆت: ل دهمێ ئهم دهرئێخستین دهمژمێر 30:8 دهقه بوو، ئهم دهركهفتینه ژ دهرڤه حهتا مه مال ئاگههداركرین دا بهێنه ب دووڤ مهرا، هندهك شوفێرێن تهكسیان د بهر مه را د هاتن و ئاخفتنێن كرێت د گوتنه مه.
ڤێ كچێ كو ئهو ژی یا 19 سالیه گۆت: قوتابی یێ نهچاره مامۆستای بۆ وانێن تایبهت بگریت چونكو مامۆستا وانێ ب دروستی ناگههینیت و قوتابی نهچار دكهت كو قوتابی داخوازا وانا تایبهت ژێ بكهت.
تشتێ سهیر ئهو بوو، دهمێ مه خواستی كو ماموستایهكێ وانا كیمیایێ ژی بۆ خۆ بگرین گۆت كو وی ههڤالهكێ ههی یێ زیرهكه و ئهرزانه و گۆت كو ههر ئێك ژ مه دێ دو سهد دولارا دهتێ دێ بیژیت، پاشان پشتی ههر ئێك ژ مه سهد دولار داینێ گۆت دوسهد دولار یێن مایین.
كچا دوێ بهردهوامی دا ئاخفتنا خۆ و گۆت: بۆ مه ئاشكهرا بوو كو وی گوتبوو ههڤالێ خۆ ب سێ سهد دولارا و گوتبوو مه ب دوسهد دولارا تا پێڤه بهێینه گرێدان.
مامێ وێ كچا ل دهستپێكێ سهرهاتی گۆتی وهك سهمیان بۆ رۆژنامهیا ئهڤرۆ گۆت: ئهڤ سهرهدهریا ڤی ماموستایێ فیزیایێ بۆ سهد دولارا كری سهرهدهریهكا نه یا مروڤایهتی یه كو دو كچان ژ مال دهربێخیت ب شهڤ ژ مالا برایێ خۆ و د ناڤ قوتابیان دا دهربێخیت.
بهردهوامی دا ئاخفتنا خۆ و گۆت: باشه ئهوی هزر نهدكر ئهو كچ بتنێ و هێژ سنێله دێ كیڤه چن؟
ل دهمێ ئهم چووین مه ئیناینه مال وهكی وان گۆتی كو هندهك شوفێرێن تهكسیان ئاخفتنێن كرێت گوتینێ.
ب راستی ئهڤێن ژ ڤی رهنگی نه ماموستانه، چ ناڤێن ماموستایان ژی ل سهر ڤان كهسان نینن. وهیسی سلێمان رێڤهبهرێ پهروهردا قهزا دهۆكێ دیاركر كو گهلهك كهس ژ ئهگهرێ گوتنا وانێن تایبهت هاتینه دهركرن و گۆت: ههر كهسێ وانێن تایبهت بێژیته قوتابێن خۆ، ئانكو ماموستایێ تایبهت و گشتی یێ قوتابیێ خۆ بیت دێ پێرابوونێن پهروهردهی دژی هێنه بكارئینان و ههر وهك بهری نها مه دژی ب كارئیناین.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|