|
|
پهرلهمانتارهكێ ئهورۆپا:توركیا نهچاره پرسا كوردی چاره
2010-03-10
ئهڤرۆ، سهرجان مهحمود:
|
|
|
بكهتپهرلهمانتهرێ پهرلهمانێ یهكتیا ئهوروپا یێ ههرێما گالیچیا یا ئیسپانی داخواز ژ حكومهتا توركیا كر كۆ مافێن كوردان بپارێزیت و ناسنامه و زمانێ كوردی ب فهرمی د دهستورا توركیا دا بجه بكهت و گهلێ كورد ژی وهك وهلاتیێن تورك ههمان مافێن ژیانێ و سیاسهتێ و كهلتوری ههبیت.
رۆژنامهڤان سهردار ماهیر ل ئیسپانیا تایبهت بۆ رۆژنامهیا ئهڤرۆ دیاركر كو ل پهرلهمانێ یهكتیا ئهوروپایێ دا گهنگهشهیێن ل سهر چارهكرنا پرسا كوردی بهردهوام دكهت و ل ئالیهكی دی ڤه زۆرداریا حكومهتا فهرهنسا و بهلجیكا ل سهر سازی و رێكخستن و كهساتیێن كوردان بهردهوام دكهت و پرانیا پهرلهمانتهرێن ئهوروپی دلگرانیا خۆ نیشاندان ل ههمبهر گرتنا سیاسهتمهدارێن كورد و دائێخستنا سازیێن مهدهنیێن كورد ل وهلاتێ بهلجیكایێ.
د ڤێ دهربارێ دا كامیلو ناگویهرا پهرلهمانتهرێ ئهوروپا د داخویانیهكی دا ل پهرلهمانێ ئهوروپا دیار كر كۆ ئهو ب چ رهنگی قهبوول ناكهن كۆ وهلاتهكی وهك بهلجیكا ب ناڤێ حكومهتا توركیا هێرشی سازی و رێكخراو و دهزگههێن راگههاندنێن كوردان بكهت و زرار و زیانێ بگههینیته جه و مال و كارێن كوردان و گۆت: ئهگهر ئهم ل ئهوروپا نههێلن كورد ب رهنگهكی ئازاد سیاسهتێ بكهن و دهزگههێن راگههاندنێن بۆ خۆ دروست بكهن و ژیانا خۆ برێڤه ببهن، دێ كورد وێ دهمێ چ بكهن.
كامیلو ناگویهرا ههر وهسا دیار كر كۆ ئهو كریارێ حكومهتا بهلجیكایێ شهرمهزار دكهت و داخواز ژ حكومهتێ دكهت كۆ ههموو گرتیێن كورد ئازاد بكهت و زرار و زیانێن كۆ پۆلیسێن بهلجیكایێ گههاندیه سازیێن كوردان ژی قهرهبو بكهت و گۆت: ئهز باوهرم توركیا و بهلجیكا پێكڤه ب كارێ گرتنا كوردان رابوونه ل بهلجیكایێ و ئهڤ یهك سهرشهزاریهك مهزنه ژبۆ حكومهتا بهلجیكایێ.
كامیلو ناگویهرا ئهڤ یهك ژی دیار كر كۆ د جهێ كۆ حكومهتا توركیا ژ وهلاتێن یهكتیا ئهوروپا داخوازا گرتنا سازی و سیاسهتمهدارێن كورد بكهت، پێدڤیه پرسا كوردی ل پهرلهمانێ خۆ گهنگهشه بكهت و پێنگاڤان ژبۆ چارهكرنا پرسا كوردی بهاڤێژیت و گۆت: ژ بلی چارهكرنا پرسا كوردی ب رێكێن ئاشتی و دیمۆكراسی چ رێكهكی دن نهشێت توركیا بهر ب قوناغهك نوو ببهت و ئهگهر توركیا ب ڤی رهنگی بهردهوام بیت نهشێت د یهكتیا ئهوروپا دا جهێ خۆ بگریت.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|