|
|
Untitled 2
|
قوتابیێن یابانی ژی قوتابخانهیێن خۆ پاقژ دكهن!
فهرسهت زوبێر |
|
|
گهلهك گله و گازنده ژ لایێ دایبابێن هندهك قوتابیان و ژ لایێ هندهك قوتابیان ب خۆ ڤه ل دۆر پاقژكرنا قوتابیان بۆ پول و قوتابخانێن خۆ دهێنهكرن.
چهندین بابهت ژی ل دۆر ڤێ چهندێ د رۆژنامه و گوڤارێن مه دا بهلاڤ بووینه، تێدا قوتابیان و دایبابێن وان نه رهزامهندیا خۆ ل دۆر ڤی كاری دیار كر بوو، ئهوێ ئهو ب (نه شارستانی) ناڤ دكهن كو ب عهیالێ وان دهێته كرن. ڤێجا دێ رابن ب گههاندنا ههورا خۆ بۆ پهروهردێ، كو چارهیهكێ بۆ بینن و ژ ڤێ ( تهنگاڤی و مهترسیێ) قورتال بكهن، هێشتا (سله) و بێهن تهنگی نههاتیێ، و ل جهێ ئهڤ قوتابیه ب كارێ پاقژكرنێ راببن بلا دو سێ فهرمانبهرێن پاقژكرنێ ل سهر میلاكێ قوتابخانهیان بهێنه دامهزرینن!!
خهلكێ مه ژی گهلهكێ ژ خۆ رازیه! دهما سحبهت دچیته سهر پێشكهفتن و تهكنولوجیایێ و كارهبێ و گرنگی دان ب قوتابیان و گهندهلیێ و...و....هتد دێ بێژن (پاشی ئهم بووینه یابانی)!
بیست و چوار دهمژمێران مه كارهب یا ههی! یان دێ بێژن یابانیان كارهب ههلكر مه تهمراند!!..
یان یابانی چوونه سهر بانێ مهریخێ و هێشتا (...) و ئهم نزانینن زلكێن ددانا چێكهین!!
یان دێ بێژن ل یابانێ وهسا گرنگیێ ددهنه خاندنێ و قوتابی و مامۆستای و ل وێرێ مامۆستا وهك ئیمبراتوریه و ب قهدرتره!!..
بهلێ دهما سحبهت دهێته سهر پاقژیێ و پاقژكرنا قوتابخانهیان ژ لایێ قوتابیان ڤه دێ بنه هندهكێن دی، نه ئهو سووك و نه ئهو بازار!!
دێ بێژن ئهڤه ل كیرێ چێبوویه قوتابی رابیت پۆل و قوتابخانێن خۆ پاقژ بكهت؟
ما خۆ نه چووینه دا بخوینن یان (كهناسیێ) بكهن؟
وه راستی بڤێت بههرا پتریا قوتابیێن مه یێن نۆكه بهس ب كێر (كهناسیێ) دهێن و ب كێر چ شولێن دی ناهێن! ههما ئهگهر چ نهبیت بلا پاقژی ب ڤان قوتابیان ڤه بێت.
قوتابیێن یابانی ژی قوتابخانێن خۆ پاقژ دكهن و نه بهس ب (گێسك و فرچه و نهشافان) بهلكو خۆ ب پارچێن قوماشی دكهڤنه پۆل و قوتابخانهیێن خۆ و تا كو پهنجهران ژی (مهسح) دكهن!!
(ههر وهك د ڤی وێنهی دا دیار) بهلێ چونكو زانست و پێشكهفتن ژ پاقژیێ دهستپێدكهن، لهوما ئهو رۆژانه چارێكهكێ پشتی دهوامێ ب ههوهكا پاقژكرنێ رادبن، ههروهسا ئهو قوتابیێن خۆ فێری پاقژیێ و رێزگرتنێ ل ههموو جۆره كاران دكهن و ب تایبهت (كهناسیێ) ئهوا دچاڤێن مه دا بوویه كێماسی و شهرم!
ئهڤ گل و گازنده بهسن، بهلكو بهروڤاژی بلا ئهم داخازكهربین بۆ ئهنجامدانا ڤان جۆره كاران د ناڤ دام و دهزگههێن مه دا، چونكه ئهگهر ئهز بزانم پاقژكرنا ڤی جهی ههر خهما منه و ئهڤ باره ههر ل سهر ملێن منه ئهز پیس ناكهم و چ گلێشا ناهاڤێمێ.
ههروهسا ئهڤ كاره فێركرنه بۆ خۆ شكاندنێ (تواچع) و دوور كهفتنێ ژ خۆمهزنكرن و دفنبلندكرنێ، لهوما ل ڤێرێ داخوازی ئهڤهیه كو نه بهس قوتابی ب ئهنجامدانا ڤان جۆره كاران رابیت، بهلكو مامۆستا ژی د گهل دا بیت و پێكڤه پاقژكرنا قوتابخانهیان خۆ بپارێزن، چونكه مه نهدیتیه كهس د ناڤ گلێشی دا و ل سهر (گیفكان) وانه خواندین.
Ferset_zubair@yahoo.com
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|