|
|
Untitled 2
|
شهش شێرهژن و كابرایهك !
بهیار باڤی |
|
|
ل ههموو وهلاتێن جیهانێ روژا ٨ ێ ئادارێ دهێته هژمارتن رۆژا جهژنا ئافرهتێن جیهانێ..
ب ئهڤێ ههلكهفتێ وب حوكمێ كاركرنا من د بوارێ جڤاكی دا و سهرهدهری دگهل خێزانێن ههژار ل ناڤبهرا سالێن(٢٠٠٢-٥٠٠٢) ل سنوورێ زاخو و گوند و كومهلگههێن دهوروبهر (ل دهڤهرێن باتێل، رزگاری، دهركار، باتیفا...) كۆمهكا دیمهنێن بالكێش و چ جار نههێن ژبیر كرن یێن هندهك شێره ژنا من دیتن، كو ب راستی رهوشا وان و خێزانێن وان یا خراب ژ لایێ ئابووری و ساخلهمی یێ ڤه وهكو بهروكێن شهری بوون دگهل ژیانێ شهرێ مانێ دكرن و ب ههموو ئیراده و باوهری ب خو بوون و قارهمانا ئهڤی شهرێ گران( شهر دگهل ژیانا سهخت) ههر ژن ب خو بویه، ژ بهركو دئهڤان خێزانان دا نهههڤژین ما بو بهرپرسایهتی یا خێزانێ وهرگریت و نه كور یان برایهك مهزن ههبوو ب رولێ بابێ رابت.
ژبهركو بكێماتی ڤه ههیڤێ جارهكێ مه سهرهدانا ئهڤان خێزانان دكر، و دهم بو دهمی تێكهلی یێن مه خورت د بوون تا رادهیهكی زۆربهی ئێش و ئازارێن خۆ بو مه دگوتن، دڤێ خهلهكێ دا ئهز دێ بهحسێ سێ ژ دیمهنێن ئهوان ژنێن كو ژیانا وان ههموو كار و خهبات بوو، سهخمهراتی پاراستنا ئاڤاهیێ خێزانێ و زاروكان:
- (...) ژنهك بوو د بوهارا ژیێ گهنجاتیێ دا بو و ئهو چهند سال بوو ههڤژینێ وی ههردو دهستێن خو ژ دهست دابون و كۆمهكا زارۆكان ههبوون، بهلێ ئهڤێ ژنێ وهنه دكر ئێك رۆژێ ههڤژینێ وێ ههست بكهت كو مرۆڤهكێ پهككهفتی یه و ههروهسا زاروكێن وان ب شێوهیهیهكێ سروشتی بهردهوامی ب خویندنا خو ددان (هوسا بومه دیار بیت كو ههڤژینی ژبهری گرێبهستهكا رهسمی بت, گرێبهستهكا روحی یه دناڤبهرا ژن و مێران دا).
- (....) ژنهكا دی بوو, كۆمهكا زاروكان ههبوون وچهند سالهك بوو ژ ههڤژینێ خو جودا ببوو و ههڤژینێ وێ ژنهكا دی ب سهر ئینابوو ژبهر دهست كورتیێ ههردو سێ ههیڤان ئهڤێ ژنێ مالا خو ڤهدگوهازت ههتا ئیكێ بو خێرا خۆ دجههكی ڤه ئهو زاروكین وێ چهند ههیڤهكا ڤهحهواندبان و ژیاناخۆ و زارۆكێن خو ب شولێ ناڤ مالێن خهلكی دبره سهر، و هند( عزهالنفس) ههبوو دگوت ههكهر ههڤژینێ من( ئهوێ ژن ب سهر ئینای)مهلیون دیناران بدهت من ژێ ناوهرگرم چونكه ئهوی رێز ل من وزاروكێن من نهگرت. دهم هاتن و دهم چوون و ژ بهری ههیامهكێ ئیك هات دهرگههێ مه قوتا گوت ئهز كورێ (....)وێ ژنێ مه و حهفتی یا بێت شههیانا منه و هندی دونیایهكێ كهیفا من هات (ههكهر مرۆڤی صهبر و ئیراده ههبت دێ ههر رۆژێن رهش و تهنگاڤی دهرباز بن ورۆژهكا دی دێ ههلیت)!
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|