|
|
Untitled 2
|
ئالایێ كوردستانێ ههردهم یێ بهرز و بلنده
محهمهد ئیبراهیم ئامێدی |
|
|
ئالایێ كوردستانێ یێ پیرۆز كو مێژوویهكا كهڤنار و رهسهن یێ ههی، بهری 64 سالان یێ هاتیه نیگاركرن و نهخشهكرن و دورین ب هزر و بیرێن كوردایهتیێ سهرچاڤكێن مێژوو و كهلتورێ مللهتێ كورد یێ رهسهن ب تبلێن خهباتكهر داڤ ب داڤ یێ هاتیه دورین و پێكئینان.
ههر داڤهكێ رامان و سهربۆر و قووناغێن خهباتا تهڤایا جهماوهرێ كوردستانێ دیار دكهت بۆ جیهانێ دسهلمینیت و ب خوینا هزاران شههیدێن كوردستانێ و قوربانیێن مهزن و دیرۆكی یێ هاتیه دانان ههر ژ دهستێ پێشهوا ((قازی محهمهد)) بۆ دهستێ بابێ نهتهوا كورد ((مستهفا بارزانی)) تا سهرهلدانا ئادارا 1991.
پشتی ڤێ سهرهلدانا پیرۆز ئالایێ كوردستانێ ئالایهك میری یه، دروشمێ مللهتێ كورده، سهرانسهری كوردستانا مهزن و سهرانسهری جیهانێ روح و جهرگێ مللهتیه.
ل ژێر سیبهرا ڤی ئالایێ رهنگین، پهرلهمان و حكومهتا ههرێما كوردستانێ و ههموو رێكخراوێن پیشهی و جهماوهری كاردكهن قودسیهكا تایبهت یێ ههی ناڤ دلێ ههموویان وهك ئالایێن مللهتێن جیهانێ و رێزگرتن و ڤینا ڤی ئالایێ پیرۆز چ توخیب و رادده نینن ل بهر دلان، ههر یێ عهزیز و شرینه و ههموو دئامادهنه بۆ جان فیدایێ و قوربانیا بدهن ب گیان و مالێ خۆ سهخمهراتی ههردهم یێ بهرز و بلند بیت.
ئهڤجا ئهو چما هندهك شوفینی و رهگهزپهرهست خودانێن هزرا چهپهل و مێشكێ رزی و دهستشكهستی و ئهزمانێ رهش و درێژ ب شهرمزاری و رویێ رهش خۆ گونههبار دكهن و ل هۆلا ههلبژارتنا ل پایتهختێ بریتانیا (لهندهن) روژا 2010/3/7 ئالایێ كوردستانێ ژ لایێ مستهكا مروڤێن شوفینی دهێته راكرن و ناهێلن بهێته ههلاویستن، ل ڤێره ئهم دبێژینه وان ئهو دهم چوو و نازڤریتهڤه، پهیڤا (اسكت) ههر بۆ وان دزڤریتهڤه.
ئهو دهست پێدڤی پهروهردهكرنێ نه و نهعلهت دێ ل سهر وان هێنه بارین دا چ كهسانێن دی وهنهكهن و خۆ گونههبار نهكهن و جارهكا دی دوباره نهبیت.
بلا بزانن دێ ئالایێ كوردستانێ ل سهر دفنا وان كهسان ههردهم و زهمان یێ بهرز و بلند بیت، وهك بلندیا وان شاخێن كوردستانێ.
رهنگێ سۆره وهك خوینا مهردهمێران، شههیدێن سهربهرز و ههردهم ساخ، یێ سۆر و زهره وهك ئاگرێ نهوروزێ، یێ كهسكه وهك ژینگههـ و ئاخا كوردستانێ، یێ سپیه وهك تیروشك و روناهیا ئاشتیێ و ئازادیێ، دێ مینیت ههر یێ دیار و ئاشكهرا ل سهر سنگ و ملان و جهان، وهك سرودا نشتیمانی (ئهی رهقیب ههر ماوه قهومی كورد زمان نایهشكێنی دانهری تۆپی زهمان).
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|