|
|
Untitled 2
|
بێزاری د ههلبژارتنان دا
عوبهید سوبحی رهشاڤهیی |
|
|
پیرهمێرهك ل چایخانهكێ یێ روونشتی بوو، پرسیار ژێ هاتهكرن، تو ڤان ههلبژارتنان چهوا دبینی، دێ دهنگێ خۆ دهی؟
پیرهمێرێ گۆت: بهلێ، و خوزی ههموو مههان ههلبژارتن هاتبانهكرن"، زهلامێ ب رهخ ڤه روونشتی گۆت"نه، نه، نه...، خوزی بچن و نههێنهڤه، نێ سهر و مهژی ل مهبرن، ب شهڤ و رۆژ تێلهفزیون و رادیۆ و جهریدێن مه یێن بووینه ههلبژارتن و دیعایهتێن وان، من گۆت نوكه دێ ژ مال دهركهڤم و چایهكێ ل جههكێ ڤهخوم، بێ كو بهحسا ههلبژارتنان بهێته كرن، ئهو ژی ڤی جهحێلی وهنهكر و كامیرا خۆ ئینا و دیسا یێ بهحسا ههلبژارتنان دكهت". پیرهمێرێ دیتر گۆت" نێ فایدێ من و ته د ڤان ههلبژارتنان دا ئهوه، مه تێر گوهـ ل سترانێن شڤان و ئهیاز و ئهردهوان و تهحسین و سترانێن شورهشگێری دبیت، لهو خوزی ههرۆ ههلبژارتن بان".
ل رۆژا دهسپێكرنا ههوا پروپاگندا ههلبژارتنان، سوحبهت ئهڤ بابهتهیه و نه چ یێن دیتر، راسته ئهڤ ههلبژارتنه گهلهك و گهلهك د گرنگن، لێ ئهڤه وێ چهندێ ناگههینیت كو دڤێت ژیان راوهستیت و ههموو تشتهك ببیته ههلبژارتن و پرۆپاگنده، ژبهركو بۆ نموونه دهنگدهر دڤێت یێ ساخلهم بیت، دا بشێت پشكداریێ بكهت، ئهرێ بۆچی ل پرانیا كهنالان بهرنامێن ساخلهمیێ هاتبوونه راوهستاندن؟
دهنگدهر ب ئاریشه و گازندهڤه دچیته سهر سندوقێ، پا بۆچی دێ بهرنامهیێن گرێدایی رهوشا ژیانا وهلاتیان و خهمێن وان هێنه راوهستاندن؟
ئانكو ب باوهرا مه د شیان دا بوو دهزگههێن رۆژنامهڤانی و راگههاندنێ، ههم پهیاما خۆ بگههینین و ههم ژی پهیاما لیست و بهربژێرێن خۆ، ژبهركو ل وی دهمی ههردوو پهیام ب پر(خواندهڤان، گوهدار، بینهرتر)دا گههن و ههر بۆ زانین ل وهلاتێن پێشكهفتی، چ كهنال د بهرههڤ نینن ژ 25٪ێ زێدهتر پرۆپاگندهیا ههلبژارتنان پهخش و بهلاڤ بكهن و یێن مه ژی بێ گومان ببوو پتر ژ 75٪ێ.
و و و خالێ مه ژی راست دبێژیت، ل ههلكهفتێن ب ڤی رهنگی ژ نوو بیرا مه ل سترانێن هونهرمهندێن مهزن و پێشمهرگه دهێت كو سترانێن وان یێن شورهشگێری و نیشتمانی پهخش بكهین.
ئانكو ئهم نوزانین بهلانسێ رابگرین و مه د گهلهك واران دا ژی رانهگرتیه، لێ سوپاس بۆ ههست و دلسوزیا مه كوردان (سهباری كێماسی و خهلهتیان)ژی دهرئهنجام دگرنگن و د دلخوشكهربوون.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|