|
|
موبایلێ نهدانه بن بالیفكا خۆ و 2000 دهمژمێران ب كارنهئینه
2010-02-07
دهۆك، حهمزه رهزیكی:
|
|
|
كومپانیێن موبایلان دبێژن چ مهترسی تێدا نینن، بهلێ ئهو راست نابێژن، دانانا بۆرجێن موبایلان دناڤ مالان دا گونهههكه دهربارهی زارۆیان دهێته كرن، باشتره لایهنێن بهرپرس رێژا تیشكێ ل دهڤ وهلاتیێن نێزیكی ویستگههێن موبایلان دژین بزانن دا ژ پهنجهشێرێ ب پارێزن، بۆرجێن ل گوندان دهێنه دانان هێزان وان پتره، ئیشارهتا كێم پاتریێ ژی زوو دمرینیت و هشیاربه موبایلێ نههێله د ژوورا نڤستنێ ڤه.
موبایل ئامیرهكێ وهكو رادیویێ یه، ژههردو ئالیان ڤه كاردكهت و ب هێزهكا كێمتر دهنگی و نامهیێن ئهلكترونی ڤهدگوهێزیته پێلێن كههرومهگناتیسی.
عادل شموئیل، ئهندازیارێ ئهلكتریك و گههاندنێ بۆ رۆژنامهیا ئهڤرۆ دیاركر ژی كو چ مال د بێ موبایل نیننن و ل دووڤ ئامارێن ئێكهتیا دهولی یا گههاندنێ ل دووماهیا سالا 2008ێ 1،4 ملیار مرۆڤان، ئانكو ب رێژا 65٪ ژ خهلكی ل جیهانێ موبایل ههبووینه و ئهو بیروكا موبایل ل دووڤ كاردكهت ئهوه كو پێلان دگههینیته نێزیكترین بورجی ل تاخی یان ل دهڤهرێ و پاشی دێ دهته ویستگهها سهرهكی و دێ هێته ڤهگوهاستن بۆ وی كهسێ ته دڤێت دگهل باخڤی، ویستگههێن موبایلان ژی هندهك بنیاتن بۆ ئهنجامدانا پهیوهندیێ دناڤبهرا موبایلێ و تورا سهرهكی دهێنه دانان، ژبهركو ئهو هێزا دناڤ موبایلێ دا یا تهڤاڤ نینه بگههیته كهسێ بهرامبهر ته. د پتریا جاران ئهم دبینین بورج راست دچنه سلال و هندهك ژی وهكو صهحنێن لاكێشهنه، ئهڤه بوچی؟
عادل شموئیل كو دگهل گهلهك رێكخراوێن بیانی كاركریه دبێژیت: ئهڤه پالپشتیێ ل سهر بهرسڤدانێن كاركرنا ویستگههێ دكهت و هندهك ویستگهه ل سهر بهرسڤدانێن بلند كاردكهن كو دگههنه GHZ و هندهك ژی دناڤبهرا KHZ و MHZ بهلێ پارچهیێن لاكێشه ڤان ویستگههان دناڤ تاخان دا پێكڤه گرێ ددهن.
گوت ژی: بورج و ویستگهه هاتینه دانان دا بشێن ئیشارهتێن ب هێز بۆ وهلاتیان دابین بكهن، لهورا ژی نێزیكترین بورج ب هێزترین ئیشارهتێ ددهت و هندی تو ژێ دوور بكهڤی ژی ئیشارت كێم دبیت و دێ ههول دهت مهزنترین ئیشارهت كوم بكهت و ئهڤه كارتێكرنێ ل پاتریا موبایلێ ژی دكهت، لهورا دێ بینی ل دهڤهرێن ئیشارهتا گههاندنێ یا كێم بیت، شهحنا پارتیێن موبایلان زوو دهێته خارێ.
ئهندازیاری كو كار دگهل ئێك ژ مهزنترین پرۆژهیێن گههاندنێ دگهل هێزێن ئهمریكی ل ههرێمێ ئهنجام دایه دیاركر ژی كو موستهحیله بۆرجهك تێرا پارێزگهها دهۆكێ بكهت، ژبهركو گهلهك جوداهی دناڤبهرا بلندیا ئاڤاهیێن دهوكێ و هێزا ویستگههێن موبایلان دا ههیه، لهورا ویستگهههكا بتنێ شیان نینن تێرا ههموو موبایلان بكهت، نهخاسمه كو ل دهمێ ئیشارهتێن پهیوهندیێ دگههنه مه هێزهك تێدایه و نهشێت دگهلهك دیواران دا ببوریت، سهرهرای ڤێ چهندێ ههر ویستگهههك بۆ هندهك پشكدارانه و نهشێت پتر بدهته كاری، لهورا ژی كومپانیێن موبایلان كاردكهن بۆ بهلاڤكرنا بورج و ویستگههان ب رێكهكا تایبهت كو وان ههمیان پهیوهندی پێكڤه ههبیت و ئیشارهت ژ پشكداری نههێته برین دناڤبهرا گرێ باسێ و بهروشكێ دا و ب ڤی رهنگی. ئهگهر بڤی رهنگی یه، دیاره خهلكێ مه راست دبێژن كو موبایلێ زیانێن خو ههنه؟
ئهندازیاری گوت: ئهڤ پرسیاره رۆژانه ل مه دهێنه كرن، ههلبهت چ بهرسڤێن ڤهبر ژی ل سهر زیانێن موبایلێ نینن، بهلێ نابیت هندهك نیشانان پشت گوه ب هاڤێژین، سهرهرای كو هندهك دژی ڤێ بووچونێ نه بهلێ موبایلێ زیانێن مهزن ههنه، ئهو ڤهكولینێن ژلایێ كومپانیێن موبایلان هاتینه كرن دیاردكهن چ زیان تێدا نینه، بهلێ ههموو ڤهكولینێن دی كارتێكرنا موبایلان ، چ ل سهر وی كهسێ موبایلێ ب كاردئینیت یانژی ئهوێ نێزیكی ویستگهههكێ دژیت بهرچاڤ دكهن.
دێ چ روو دهت ئهگهر ئهم ب بهر ڤان پێلان كهفتین؟
پێلێن موبایلێ پتریا وان ڤهدگهرنهڤه بو لهشێ مرۆڤی یان تێ دبورن، بهلێ هندهك ژوان تیشكان ژلایێ شانهیێن لهشی دهێنه مێتن، ئهوژی دبیته ئهگهرێ زێدهبوونا گهرماتیا وان شانهیان یان پشكا كو بهرئاتافی وان تیشكان دبیت، ئهڤه وهكو فرنا مایكروویفه ئهوا بۆ گهرمكرنا خوارنێ ل مالان دهێته ب كارئینان و بتنێ گهرماتیا وان جێوازی ههیه، فرنا مایكروویف كاردكهت ب هێزهكا بلند كو دگههیته 1 كیلو وات (1000وات) بهلێ موبایل كاردكهت ل سهر هێزهكێ دكهڤیته دناڤبهرا 6،0 و 3،0 وات بتنێ دا، ئهڤه رامانا وێ چهندێ ددهت ئهگهر پێلێن مایكروویفێ دبلند بن دێ بیته ئهگهرێ بلندبوونا گهرماتیا پشكا كو بهرههڤی وان پێلان دبیت ب شێوازهكێ مهزن.
ئهو پێلێن كو دشیاندا مرۆڤ بهرههڤ ببیت یان ژێدهرێ وان ژ بورجێن كومپانیێن موبایلانه یانژی موبایل ب خویه، ل ڤێرێ پێدڤیه نیشانێ ب وێ چهندێ بدهم ئهو بورجێن ل گوندان یان دهرڤهی باژێران ههین هێزا وان پتره ژ یا بورجێن دناڤ باژێران دا، ژبهركو خهلكهكێ كێمتر ل وان دهڤهران دژیت و هێز پتر دڤێت ههتا ههموو دهڤهرێ دوورپێچ بكهت. بوچی هندهك وهلاتی رێكێ ددهن ئهڤ ویستگههه ل سهر بانێن خانیێن وان یێن شوقهیێن وان بهێنه ئاڤاكرن؟
عادل شموئیل كو بابێ دو زارۆیانه گوت: جهێ داخێ یه ئهم دبینین هندهك ژڤان بورجان بتنێ چهند میترهكا ژ وهلاتیان ددوورن و ب تایبهت وان مالان زارۆك ژی ههنه كو چ گونهها زارۆكان نینه و ئهگهرێن دانانا وان ئهوه كو كومپانی گهلهك پارا ددهنه خودانێن وان و خودانێ خانی ژی نزانیت كا چ مهترسی ل سهر ههیه ئهگهر ل دووڤ پیڤهرێن حیهانی نهبیت. بوچی كومپانیێن موبایلان دبێژن چ زیان د موبایلان دا نینن؟
ئهڤه گرێدای ئابووری یه و راپورت ههنه زیانێن موبایلان بهرچاڤ دكهن، بۆ نموونه ئێك ژ راپۆرتێن بریتانی دیاردكهت كو نابیت ب چ رهنگهكی بورجێن موبایلان ل سهر بانێن خانیان بهێنه دانان و پێدڤیه گهلهك د دوور بن ژ جهێ ئاكنجیبوونا خهلكی، ئهگهر دناڤ مالان دا بن ژی پێدڤی یه هندهك ئامیران بدهنه خهلكێ وی تاخی كو تیشكێن موبایلێ كارتێكرنێ ل وان كهن و دگهل ڤێ چهندێ ژی جهێ داخێ یه ل باژێرێ مه بورج دناڤ مالان دا دهێنه دانان و دبێژن چ مهترسی تێدا نینه.
گهلهك راپورت ل دور زیانێن موبایلان ههنه و ئێك ژوان ل پهیمانگهههكا بریتانی لسهر وان مروڤان یێن ژیانا خو بۆ دهمێ 10 سالان ل دورێن بورجان دبوراند كریه و دیاربوو كو رێژا تووشبونا وان كهسێن ل دورێن 400 متران دناڤ بورجان دا دژین ب نهخوشیێن پهنجهشێرێ پتره ژ كهسێن دیتر و ههتا ئهو كهسێن 400 متران ژی دووری بورجان دژین پشتی 8 سالان تووشی هندهك نهخوشیان بوون و ئهو كهسێن بۆ دهمێ پتر ژ 5 سالان موبایلێ ب كاردئینن ب چوار جاركی پتر ژوان كهسێن موبایلێ ب كارنهئینن تووشی نهخۆشیێن پهنجهشێرا مێشكی دبن، ل ئهورۆپا ژی ڤهكولینهكێ دیاركر ئهو كهسێن د 10 سالان دا 2000 دهمژمێران موبایلێ ب كاردئینن، ب رێژا 7،3 جارا پتر ژوان كهسێن موبایلێ ب كارنهئینن تووشی پهنجهشێرا مێشكی دبن.
ئهندازیاری دیاركر ژی، توورهبون، گێژاتی، بیركولی و زوو ماندیبوون ل دهڤ وان كهسان دیاردبن یێن بهرئاتافی تیشكێن موبایلان دبن، ژن پتر نهخوشیا خو ژێ دبینن و هندهك جاران تووشی سهرئێشانێ و دلرابوونێ و نهنڤستنێ و خهموكیێ دبن و كارتێكرنا وان ل سهر زارۆیان و گهنجان پتره ژ مهزنان. ل دووماهیێ عادل شموئیل گوت: ههر ئهنجامێن ڤهكولینان چهوابن، پێدڤیه ئهم خو ژ زیانێن تهكنولوژیا سهردهم ب پارێزین، بێ گومان ئهو گوهێ ئهم بۆ موبایلێ ب كاردئینین پتر ژ گوهێ دی دئێشیت، باشتره مهئاگهه ژ زارۆیان بیت، و نابیت ل دهمێ پێدڤی نهبیت زارۆك موبایلێ ب كاربینن، ههروهسان نابیت موبایلێ بدانینه ل بن بالیفكا خو و ههتا دڤێت د ژوورا نڤستنێ ڤه ژی نهبیت، ئهندازیاری داخواز ژ كومپانیێن موبایلان كر پێگیریێ ب سیستهم و رێنمایێن جیهانی بكهن ل دهمێ دناڤ تاخان دا وستگهه و بۆرجان دادنن و خواست لایهنێن پهیوهندیدار دهم بۆ دهمی قهستا جهێن بورج لێ هاتینه دانان بكهن و بزانن رێژا تیشكێ د لهشێ وهلاتیێن وی تاخی دا چهنده، داكو ژ زیانێن وێ ب پارێزن و تووشی نهخۆشیێن پهنجهشێرێ نهبن كو بوویه مهترسیهكا مهزن ل باژێرێ مه.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|