|
|
نابیت مرۆڤ ستوویێ خۆ خوار بكهت و ب موبایلێ باخڤیت
2010-03-09
دهوك، حهمزه رهزیكی:
|
|
|
ئێشانێن ستوی گهلهك د بهربهلاڤن و ئهگهرێن وێ گهلهكن و د جوراو جورن و پهیوهندیهكا راستهوخو ب هندهك حالهتێن نندروست وهك روونشتن، بینهریا تێلهفزیونێ، خواندن و نڤیسین، ب كارئینانا كومپیوتهری و ..هتد ههیه، نوشدار شیرهتان ل مه دكهن كو سهرهدهریهكا دروست دگهل ژیانا خو یا رۆژانه بكهین داكو بهرئاتافی نهخوشیێن ستوی نهبین.
د. محهمهد تاهر رهسول، تایبهتمهندێ چارهسهریا سروشتی و نهخوشیێن گههان بۆ روژنامهیا ئهڤرۆ دیاركر كو ستوو ئێك ژ پشكێن گرنگ و پر بزاڤه و 15٪ ژ سهنگێ مرۆڤی رادگریت، ژبهركو گهلهك یا پاراستی نینه لهورا پتر بهرئاتافی روودان و ئێشانێ دبیت، د بهرسڤا پرسیارهكێ دا ئهرێ بوچی پشتی نڤستنهكا كوور و مرۆڤ ژ خهو رادبیت ستویێ مرۆڤی دئێشیت؟
د. مجمهد تاهر دیاركر كو ئهگهرێ ڤێ چهندێ ڤهدگهریت بۆ خهلهتیێن مرۆڤی وهكو نڤستن ل سهر زكی، یان ئهگهر بالیفكا مرۆڤی یا دروست نهبیت و دیسان نڤستن ل سهر بالیفكێن بلند دبیته ئهگهرێ ئێشانا ستوی.
تایبهتمهندێ چارهسهریا سرۆشتی دیاركر ژی كو ئهڤ خهلهتی یه دبنه ئهگهرێ نهههڤسهنگیا ستویێ مرۆڤی لهورا زهڤلهكێن ستوی نهچاردبن ب شهڤێ كاربكهن داكو ڤێ نه ههڤسهنگیێ دروست بكهن و گوت: یا باشتر ئهوه ل دهمێ خهوێ مرۆڤ نڤستنا خۆ دروست بكهت و بالیفكا خو رێك و پێك بكهت داكو بوارێ ستوی و موركێن پشتێ یێ جێگیر بیت.
سهبارهت ئهگهرێن ئێشانێن ستوی نوشداری دیاركر كو ب رهنكهگێ گشتی ئێشانێن ستوی ژ ئهنجامێ وهستیانا بهردهوام یا ستوی و روونشتنا خهلهت بۆ دهمێن درێژ ل نڤیسینگههـ، یان ل سهر كومپیوتهری یان ل دهمێ هاژووتنا ترۆمبێلێ پهیدادبن.
یانژی دبیت ژ ئهنجامێ دانعمربوونا مرۆڤی دڕاتی بكهڤیته هندهك موركێن پشتێ ژ ئهنجامێ راكرن و ههلگرتنا تشتێن گران یان هندهك ئهنجامدانا هندهك راهێنانێن وهرزشی یێن نهدروست.
نهخوش چاوان ههست ب ئێشانێن پشتێ دكهت؟ سهبارهت ڤێ پرسیارێ دكتوری دیاركر كو دگهلهك حالهتان دا نهخوش ههست دكهت ستویێ وی یێ دئێشیت و یێ هشك و رهق بوی و پتریا جاران ئهڤ نیشانه پشتی كاركرنهكا درێژ یان راوهستیانهكا درێژ یان روونشتنهكا خهلهت پهیدادبن و گوت: دبیت نهخۆشی ئاگهه ژ دهنگێ تهقتهقهكێ ل ستویێ خو ببیت ل دهمێ دلڤینیت و هندهك جاران دێ گێژ بیت یان دێ سهرێ وی ئێشیت و ل دهمێ فشار ل موركێن پشتێ دهێته كرن بۆ نهخوشی نهخوشه و زهڤلهكێن دهستان و پێیان سست و بێهێز دبن و گوت ژی كو دهندهك دهلیڤهیان دا نهخۆش نهچار دبیت ستوویهكێ دهستكرد ل دووڤ شیرهتێن نوشداری بو خو بدانیت داكو بزاڤا ستوی كێم بكهت و پالپشتیێ لێ بكهت كو فشار لێ نهبیت و پێدڤی یه نهخوش بزانیت ههكه ستویێ دهستكرد ژی گهلهك ب كارئینا دێ سستی كهڤیته زهڤلهكێن ستووی.
سهبارهت رێكێن خۆ پاراستنێ ژ ئێشانێن ستتوی ب رهنكهگێ گشتی، د. محهمد تاهر رهسول دیاركر كو نابیت نهخوش بۆ دهمێن درێژ بهرێ ستویێ خۆ بدهته جههكی، وهكو ل دهمێ خواندن و نڤیسنێ یان بینهریا تێلهفزیونێ دكهت، پێدڤیه یێ شارهزابیت و دهم بۆ دهمی بهرێ خو وهرگێریت و ئهگهر گهلهك یا پێدڤی بوو باشتره ههر چارێكهكێ جارهكێ ژ كاری ب راوهستیت و هندهك راهێنانێن سڤك بۆ ستویێ خو بكهت.
ههروهسان پێدڤیه ل دهمێ روونشتنێ ستویێ مرۆڤی یێ راست بیت و ئهو جهێ مرۆڤ لێ كاردكهت چ یێ گونجای بیت و نێزیكی مرۆڤی بیت و ئهو تشتێ مرۆڤ دخوونیت و دنڤیسیت ل بهر چاڤێن مرۆڤی بیت.
ههروهسان نابیت مرۆڤ موبایلێ بدانیته دناڤبهرا ملێ خۆ و ستویێ خۆ دا ژبهركو ئهوژی گرانیێ ل سهر ستوی زێده دكهت ، ژلایهكێ دیتر ڤه نابیت ستوویێ مرۆڤی بكهڤیته بهر پێلێن ههوایێ سار یان ل جههكێ گهرم مرۆڤ ئێكسهر بچیته جههكێ سار.
ههروهسان تایبهتمهندێ نهخۆشیێن گههان ئهوژی دیاركر كو نابیت ل سهر جهێ یێ نڤستنێ مرۆڤ بینهریا تێلهڤزیونێ بكهت یان بخوونیت ژبهركو دپرانیا وان دهمان دا ستویێ مرۆڤی د كاودانهكێ نهباش دایه.
نڤستنا د ترومبێلێ دا یان ل دهمێ مرۆڤ روونستی دنڤیت دیسان گهلهك نهباشی ههنه و ههر نهخوشێ ستوویێ وی ب ئێشیت یان زهڤلهكێن وی ب ئێشن باشتره قهستا بهرئاڤا گهرم بكهت و نابیت پشتی هنگی ئێكسهر بهێته بهر ههوایهكێ تهزی
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|