|
|
بزاڤا گۆڕان دخوازیت حكومهتا ههرێمێ پارا نهدهته دهڤهرێن كێشهدار
بزاڤا گۆڕان دخوازیت حكومهتا ههرێمێ پارا نهدهته دهڤهرێن كێشهدار
ئهڤرۆ:
|
|
|
د كومبونا لیژنا دارایی و كاروبوبارێن ئابوری یا پهرلهمانێ كوردستانێ بۆ دان و ستاندنێ ل سهر پرۆژێ بودجا ههرێمێ، لیستا گۆران داخواز كریه ئهو پارێ بۆ دهڤهرێن كێشه دار دهێته دهستنیشانكرن بهێته برین.
دهڤهرێن كێشه دار ژی د خوازن بودجا ههرێمێ بۆ وان دهڤهران بهێته دابینكرن.
ب دیتنا وان پارێ دهڤهرێن كێشه دار ب خۆ ژ بۆدجا گهشهكرنا پارێزگههان دهێته مهزاختن و لیستا كوردستانی ژی دبینیت كو پێدڤیه پتر ژ ههر دهڤهرهكێ گرنگی ب وان بهێته دان.
فراكسیۆنا گۆڕان ئاماژه ب وێ یهكێ دایه كو پێدڤی ناكهت چ پاره بۆ دهڤهرێن كێشهدار بهێته مهزاختن، چونكو ئهوان د بودجا گهشهكرنا پارێزگههان دا بههرا خۆ یا ههی.
محهمهد دلێر مهحمود بریاردهرێ لژنا دارایی بۆ رۆژنامهیا ئاسۆ دا دیار كرن كو لیستهیا گۆران ب رهنگهكێ زارهكی داخواز كریه پارێ هاتیه تهرخانكرن بۆ دهڤهرێن كێشه دار ژ بودجا ههرێمی بهێته برین، ب بههانهیا وێ چهندێ كو ئهوێ بههرا خۆ یا گهشهپێدانا پارێزگههان ههیه و گۆت: ئهم وهك لیژنا دارایی داخوازیهكا ژ ڤی رهنگی رهت دكهین، چونكو مافێ وان دهڤهرانه و ئهركێ حكۆمهتا ههرێما كوردستانێ یه وهكو پێدڤی خزمهتا وان دهڤهران بكهت.
گۆران ئازاد ئهندامێ لیژنا یاسایی یا پهرلهمانێ كوردستانێ بۆ رۆژنامهیا كوردستانی نوێ دیار كریه كو گۆران دژی دابینكرنا پارهیه بۆ دهڤهرێن كێشه دار و ئهو روونشتنا بهحس لێهاتیهكرن وێنێ ڤیدیۆیێ ژی یێ ههی تهكستێ ل سهر ڤێ یهكێ دكهت و گۆت:وهزیرێ دارایی دو جار تهكست ل سهر ههلویستا وان كر و وان ژی ب روونی ئاشكهرا كر كو ئهو نه د گهل وێ یهكێ نه.
دیسان ئهندامێ لژنا یاسایی دیار كر كو ئهگهر ئهم خۆ ب خودانێن كهركوك و دهڤهرێن كێشه دار دزانین پێدڤیه ئهم خزمهتگوزاریان پێشكێشی وان بكهین و گۆت:ئهگهر ئهم د هاریكار نهبین بۆ وان ئهو دێ چهوان دهنگی ژ بۆ ڤهگهریانا خۆ بۆ سهر ههرێما كوردستانێ دهن.
د داخویانیهكێ دا شێروان حهیدهری سهرۆكێ لژنا یاسایی یا پهرلهمانێ كوردستانێ تهكست ل سهر ڤێ یهكێ كر و بۆ ئهڤرۆ گۆت:بهلێ لیستا گۆران دژی دانانا بودجهیهكی بوون بۆ ئاڤهدانكرنا دهڤهرێن كێشه دار و ڤهبری ژ كوردستانێ.
د. رۆژان دزهی ئهنداما لیستا كوردستانی ژی ئاماژه دا وێ یهكێ كو گۆران د گهل وێ چهندێ نینه ماددێ 140بهێته بجهئینان و پاره بۆ وان دهڤهران بهێته دابینكرن و گۆت: لیستا كوردستانی بوچوونا گۆران رهتكر.
ئهنداما پهرلهمانێ كوردستانێ ل سهر لیستا كوردستانی ئاماژه دا وێ یهكێ ژی دهڤهرێن دابری ژ كوردستانێ بهشهكن ژ كوردستانێ و پێدڤیه پاره بۆ وان دهڤهران بهێته دابینكرن چونكو ژ كێم خزمهتگوزاریێ یێ د نالن.
ل دۆر نهبوونا چ بودجهیێن تایبهت یێن حكۆمهتا ههرێما كوردستانێ بۆ دهڤهرێن كێشه دار ئاخفتنكهرێ ب ناڤێ لیستا برایهتی یا نهینهوا دیاركر كو زۆر یا گرنگه ههرێم بودجهیهكا تایبهت بۆ دهڤهرێن كێشه دار دابین بكهت و بۆ ئهڤرۆ گۆت:بودجهیا عیراقێ بتنێ بهس نینه.
دهرمان خهتاری دیسان دیاركر كو نها لیستا برایهتی یا نهینهوا بایكوتا جڤاتا پارێزگهها مووسل كریه ژ بۆ بهرژهوهندا كوردان و خۆ ب كورد د زانن و چاڤهرێی بجهئینانا ماددێ (140)دا بزڤرنه سهر ههرێما كوردستانێ و گۆت:ئهڤجا پێدڤیه حكۆمهتا ههرێمێ ژی هاریكاریا ڤان دهڤهران بكهت و ههر ژ شنگال تا خانهقینێ پێدڤی ب حكۆمهتا ههرێما كورستانێ یه.
قایمقامێ شێخان دیاركر كو ئهگهر حكۆمهتا ههرێما كوردستانێ نهبووایه دا نها ئهو د كاودانێن گهلهك خراب دا ژین و بۆ ئهڤرۆ گۆت:پشتی بایكوتكرنا جڤاتا پارێزگهها مووسل، بودجێ پاریزگههێ ب دادپهروهرانه نههاته پارڤهكرن و حكۆمهتا ههرێما كوردستانێ ئهڤ بووشاییه پر كر چ ژ لایێ خزمهتگوزاری و چ ژ لایێ ئهمنی ڤه.
حسو نهرمو دیسان دیاركر كو گۆران وهسان رهفتارێ دكهت كو ئهو دهڤهرێن كێشه دار نه كوردن و گۆت:ب بوچوونا گۆران ئهم یێ ژ كهوكهبهكا دی هاتین.
|
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|