|
|
ل دووڤ ئهنجامێن دهسپێكی ههڤپهیمانی ل رێزا ئێكێ یه
ل دووڤ ئهنجامێن دهسپێكی ههڤپهیمانی ل رێزا ئێكێ یه
ئهڤرۆ، ڤهگێر سهعدوللا
|
|
|
ل دووڤ ئهنجامێن دهسپێكی و نه فهرمی كو رۆژنامهیا ئهڤرۆ ب رێكێن تایبهت ژ چهند ئالیانڤه وهرگرتینه، لیستا ههڤپهیمانیا كوردستانی ل پارێزگههێن ههولێر، دهۆك، سلێمانی، كهركوك و موسل سهركهفتنێن بێ وێنه توماركرینه و دناڤ لیستێ دا بهربژێرێن پارتی دیموكراتی كوردستان ل رێزا ئێكێ دهێن و 30 كورسی مسوگهركرینه و هێشتا ئهنجامێن دهنگدهرێن تایبهت و دهرڤهی وهلاتی نههاتینه ڤاڤارتن.
9 كورسی ل دهۆكێ بو پارتینه ل دووڤ وان پێزانینێن رۆژنامهیا ئهڤرۆ ژ ژێدهرێن ئاگههدار و باوهرپێكری ب دهست خۆ ئێخستین، لیستا ههپڤپهیمانیا كوردستانی ل پارێزگهها دهۆكێ سهركهفتنهكا مهزن ب دهست خۆڤه ئینایه و ژ سهرجهمێ 10 كورسیێن پارێزگههێ، 9 كورسی مسوگهر كرینه، ل دووڤ گوتنا ژێدهری ئهو 9 كورسی بهربژێرێن پارتی ب دهست خۆ ڤه ئیناینه و كورسیێ دههێ ژی ئێكگرتوویا ئیسلامی مسوگهركریه.
ل دووڤ پێزانینێن دهستپێكی یێن نه فهرمی سهركهفتیێن پارێزگهها دهۆكێ ب ڤی رهنگی نه:
1- حهمید عادل یهزدین پارتی
2- فهرهاد ئهمین سهلیم پارتی
3- سوبحی سلێمان فهقی پارتی
4- قاسم محهمهد قاسم پارتی
5- موئهیهد تهیب ئهحمهد پارتی
6- مههدی حاجی عیسا پارتی
7- پهریزاد شهعبان محهمهد پارتی
8- مههدی یوسف نعمهت پارتی
9- جولا حاجی عومهر پارتی
10- نهجیب بالهتهی ئێكگرتوو
ئهگهر رێژا بۆ ژنان هاتیه دهست نیشانكرن ل پهرلهمانێ عیراقێ كو 25٪یه هاته پهیرهوكرن، دێ بهربژێرا پارتی ( نهجیبا نهجیب) هێته جهێ ئێك ژ ههردوو كهسێن ب كێمترین رێژه سهركهفتین و ئهگهر نه هاته پهیرهو كرن ژی دێ لیستا ل سهری دیار وهك خۆ مینیت.
ههر دیسان ئهڤ ئهنجامێن ل سهری ل دووڤ دهنگدانا گشتی نه و رهنگه دهنگدانا تایبهت كارتێكرنێ بكهته سهر. ئهڤ ئهنجامه د دهست پێكی نه و نه د فهرمی نه، رۆژناما ئهڤرۆ یا شیایی ب دهست خۆ بێخیت، ب تنێ كومسیۆنا بلندا ههلبژارتنان ب رهنگهكێ فهرمی مافێ بهلافكرنا ئهنجامێن ههلبژارتنان ههیه. ل موسل كوردستانی ل رێزا دووێ یه ژێدهرهكێ هایدارێ ئهنجامێن ههلبژارتنێن پارێزگهها موسل بۆ ئهڤرۆ دیار كر كو ههڤپهیمانیا كوردستانی 8 كورسی ب دهست ڤه ئیناینه و پشتی لیستا عیراقیه ل پلا دوویێ دهێت و ژ وان ههشت كورسیان رهنگه ئێكهتی ئێكی ببهت و یێن دی بو پارتینه، ههمان ژێدهری ئهو یهك ژی خویاكر كو (كوتا) یا شهبهكان ژ دهستێ (حهنین قهدویێ) توندرهو بهرامبهر كوردان ئینا دهر و ل شوونا وی ئهندازیار جهمشید محهمهد شهبهك ب سهركهفت كو ئهوژی لایهنگرێ پارتیه.
ل دووڤ وان پێزانینێن ئهڤرۆ ب دهست خۆ ڤه ئیناین لیستا عیراقیه یا ئێكێ یه ل پارێزگهها موسل و ههڤپهیمانیا كوردستانی یا دوێ یه.
سهركهفتیێن لیستا ههڤپهیمانیا كوردستانی ل مووسل ب ڤی رهنگی نه:
1- هشیار زێباری
2- محسن سهعدون
3- مهحما خهلیل
4- قاسم حسین بهرجهز
5- ڤیان دهخیل
6- جاسم ئهسوهد
7- شهریف سلێمان عهلی
8- ئامینه سهعید
10 كورسی ل ههولێرێ بۆ لیستا كوردستانی ژ سهرجهمێ 14 كورسیێن پارێزگهها ههولێرێ، لیستا ههڤپهیمانیا كوردستانی 10 كورسی ب دهستڤه ئینان كو دناڤ دا ههشت كورسیێن پارتی نه و 2یێن ئێكهتی و گۆڕان ژی 2 كورسی و ههر ئێك ژ ئێكگرتویا ئیسلامی و كومهلێ، كورسیهك ب دهست ڤه ئینایه. ل دووڤ پێزانینێن ئهڤرۆ ژ ژێدهرهكێ هایدار ژ ئهنجامێن ههلبژارتنان ل ههولێرێ ب دهست خۆ ڤه ئیناین 11 كورسیێن لیستا ههڤپهیمانی ب ڤی رهنگی نه:
1- سامی شورهش پارتی
2- شوان محهمهد تهها پارتی
3- ئازاد سرێشمهیی پارتی
4- محهمهد حسێن (محهمهد چاوشین)پارتی
5- سهعید رهسول پارتی
6- سهبری دهروێش عومهر پارتی
7- رهوهز مههدی خوشناو پارتی
8- نهسرین ئهنوهر رهشید پارتی
9- فوئاد مهعسوم ئێكهتی
10- سهعدی ئهحمهد پیره ئێكهتی
ل كهركوكێ گۆڕان ئێك كورسی ژی نه ئینا ژێدهرهكێ باوهر پێكری و هایدار ژ ئهنجامێن ههلبژارتنێن كهركوكێ تایبهت بۆ ئهڤرۆ دیار كر كو لیستا ههڤپهیمانیا كوردستانی ژ سهرجهمێ 12 كورسیێن بۆ پارێزگهها كهركوكێ هاتینه تهرخانكرن 7 ههتا 8 كورسی بدهست ڤه ئیناینه كو بهربژێرێن پارتی دو كورسی ل وێ پارێزگههێ مسوگهر كرینه و رهنگه ببنه سێ ژی، ههمان ژێدهری ئهو یهك ژی خویا كر كو لیستا عیراقیه ل رێزا دوێ دهێت و گۆڕان ژی چ كورسیی بدهستڤه نه ئیناینه.
بهربژێرێن سهركهفتیێن ههڤپهیمانیا كوردستانی ل پارێزگهها كهركوكێ ب ڤی رهنگی نه:
1- خالد شوانی ئێكهتی
2- نهجمهدین عومهر ئێكهتی
3- عارف تهیفور پارتی
4- ئالا تالهبانی ئێكهتی
5- مهلا سیروان ئهحمهد ئێكهتی
6- عهدنان كهركوكی پارتی
7- یاسین عزهدین ئێكهتی
ئهگهر بونه ههشت كورسی ژی بهربژێرا پارتی دیموكراتی كوردستان(میدیا ئهحمهد) دێ ب سهركهڤیت.
ل پارێزگهها سلێمانیێ كوردستانی ل پێشیا گۆڕانه ل سلێمانیێ ب گورهی پێزانینێن ژێدهرهكێ هایدار ژ ئهنجامێن دهست پێكیێن ههلبژارتنان بۆ ئهڤرۆ دیار كرین، ههڤپهیمانیا كوردستانی 8 كورسی ب دهست ڤه ئیناینه و بزاڤا گۆڕان ژی 7 كورسی و ههر ئێك ژ كومهلێ و ئێكگرتوو ژی كورسیهك.
ههمان ژێدهری ئهو یهك ژی خو یا كر كو ب ژمارهكا بهرچاڤا دهنگان لیستا ههڤپهیمانی ل بهری بزاڤا گۆڕانه و كومهلا ئیسلامی ژی ل پێشیا ئێكگرتویا ئیسلامی یه.
ژێدهرهكێ كو نه ڤیا ناڤێ خۆ ئاشكرا كهت دیار كر دو بهربژێرێن پارتی ل پارێزگهها سلێمانیێ مسوگهر بووینه و رهنگه ببنه سێ ژی ههمان ژێدهری ناڤێن وان بۆ رۆژناما ئهڤرۆ ئاشكرا كرن، (مهحمود ئوسمان و لانه محهمهد عهلی).
ل دیالا كوردستانی 2 كورسی مسوگهركرینه ل دووڤ وان پێزانینێن گههشتینه رۆژناما ئهڤرۆ ل پارێزگهها دیالا لیستا ههڤپهیمانیا كوردستانی ل رێزا سیێ دهێت پشتی لیستا عیراقیه و ئیتیلافا نیشتمانی.
ههمان ژێدهریی دیار كر كو كورسیێن ههڤپهیمانا كوردستانی ل پارێزگهها دیالا دێ دناڤبهرا دو تا سێ كورسیان بن و گۆت:كورسیهك پارتی و ئێك ژی ئێكهتیێ ل وێ پارێزگههێ مسوگهركرینه و یا سیێ ژی چاڤهرێ ئهنجامێن دهنگدانێن تایبهتن.
ژ لایهكێ دی ڤه رێڤهبهرا نڤیسینێ ل گوڤارا (مشهد العراقی) د. عالیا جبوری تایبهت بۆ ئهڤرۆ گۆت:ل دووڤ وان پێزانینێن ب رێكا ژێدهرهكێ باوهر پێكری گههشتینه مه ژ سهرجهمێ حهفت پارێزگههێن ناڤهراست و باشورێ عیراقێ لیستا دهولهت ئهلقانوون ب سهرۆكاتیا مالكی 40٪ ژ دهنگان بدهست ڤه ئیناینه و ههر ئێك ژ ئیتلافا نیشتمانی 35٪ و عیراقیه 20٪.
د. عالیایێ ههروهسا گۆت:ل پارێزگههێن سهلاحهدین و موسل و ئهنبار لیستا عیراقیه ب رێژهیهكا بهرچاڤ ل پێشیا لیستێن دی دا یه.
|
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|