|
|
پێدڤی یه ژن خۆ د گهل ژییێ خۆ بگونجینیت
2010-02-03
دهۆك، زهری نهوزاد:
|
|
|
ژن حهز دكهت د ژیهكی دا بمینیت و مهزن تر لێ نههێت،ژیێ بێ ئومێدیێ ل دهڤ ژنان ئێكه ژ قوناغێن پشتی ژیێ 45 سالیێ ژ ئهگهرێ پهیدابونا چهندین گورانكاریێن لهشی ،ژن تهقهبولا راستیێ ناكهن و حهز دكهن ههر د ژیهكێ بچووك دا بمینن.
جیهان محهمهد، ژنهكا 35 سالی یه ل دۆر جهوانیا خو بهرههڤ كرنا وێ بو ڤی ژی و ئهرێ یا بهرههڤه باوهریێ بڤێ قوناغا ژیانێ بینیت جیهانێ گوت: ههر مروڤهك دگههیته ژیهكی حهز دكهت بمینیت د ڤی ژی دا، بهلێ ژبهركو ئهڤهژی قوناغهكا ژیانێ یه دڤێت مروڤ یێ بهرههڤ بیت، بهلێ دگهل ڤێ یهكێ گهلهك جاران مروڤ ب وان گورانكاریان نهخوش دبیت و رهنگه دهرونێ مروڤی پێ تێك بچیت بهلێ یا ب هیڤی مه خو بهرههڤ بكهم.
د.نزار عسمهت، تایبهتمهندێ نهخوشیێن دهروونی دیاركر كو ژیێ بێ ئومێدیێ ل دهڤ ژنان ئێكه ژ قوناغێن پشتی ژیێ 45 سالیێ، ژن تووش دبنێ ژبهركو هندهك گورانكاری یێن لهشی دروست دبن وهك وان گورانكاریێن د هێكدانكێن وێ دا دروست دبن كو هندهك هورمونان دروست ناكهن و كێمبوونا ڤان هورمونان دبیته ئهگهرێ پهیدابوونا چهندین گهورینێن فزیولوژی، ههر دیسان چهندین گهورینێن دهروونی ژوان عادهیا ههیڤانه دهێته راوهستاندن و ب راوهستانا عادهیا ههیڤانه هزرهكێ ل دهڤ پهیدادكهت كو یا بهر ب مهزنی وژ دهست دانا شیانان دچیت و ب تایبهت ئهگهر حهزا ههبوونا زارویان ل دهڤ ههبیت و ب راوستانا عادهیا ههیڤانه ئێدی زاروك نابن.
ل دور وان گورانكاریێن جهستهیی یێن ل دهڤ ژنان پهیدا دبن د ڤێ قوناغێ دا، د.چنار مستهفا، تایبهتمهندا نهخۆشیێن ژنان دیاركر كو دهما ژڤانێ ههیڤانه ل دهڤ ژنێ دهێته ڤهبرین د ناڤبهرا ژیێ 45تا 55 سالیێ گهلهك نهخوشی ل دهڤ پهیدا دبن، ئێك ژوان بلندبوونا پلا گهرمیا لهشێ وێ یه، داكو ئهگهر د كهشهكێ سار ژی دا بیت و گهلهك خوه ددهت و ئهڤ چهنده كارتێكرنێ ل سهر دهروونێ وێ دكهت و زوو توره دبیت.
ژلایهكێ دی ڤه تایبهتمهندا ژنان دبێژیت: پشتی ژڤانێ ههیڤانه رادوهستیت هورمونێن وێ یێن مێینه رادوهستن و یابهرههڤه كو رێژهیا كولیسترولی د خوینا وێ دا بلندببیت و یابهرههڤه بو نهخوشیێن دلی و فشارا خوینێ و شهكرێ ههر دیسان كێمبوونا هورمونێن مێینه دبنه ئهگهرێ كێمبوونا بیردانكا وێ و دهندهك حالهتان دا دبیته ئهگهرێ پهیدابوونا نهخوشیا ئهلزههایمهر .
د. نزار وهك تایبهتمهندێ دهروونی ل دور وان نهخوشیێن ژ ئهنجام دهێنه نهخوشێ گوت: ئێك ژوان خهموكیه یا دوێ ژی ئالوزی یه ب خو بخو نه دیتنا خولا ههیڤانه و چهندین نیشانێن دی ل سهر لهشی و تێكچوونا سهر و چاڤا و دهركهتنا قورمچین و نیشانێن ب سال ڤهچوونێ و زێدهبوونا مویێن سپی ل سهری و گوهورینا لهشی و نهمانا هندهك گهرماتی و ههبوونا بێهن تهنگیێ، ئهڤه ههموو دبنه ئهگهر كو وهك بێهن تهنگیهكێ ل دهڤ مروڤی پهیدا دبیت. ههر دیسان د. نزار عصمت ئهگهرێ ڤێ نهخوشیێ یێ سهرهكی ژبو وێ یهكێ ڤهگهراند كو ژن باوهر ژ ڤێ راستیێ ناكهن و حهز دكهن ههر د ژیهكێ بچووك دابن لهورا ژنا كو نهشێت خو بگونجینیت دگهل ڤێ قوناغا ژیانێ ئانكو ڤی ژی دبیت هزرا خوكوشتنێ ل دهڤ پهیداببیت.
ل دور ئایا ئهڤ نهخوشیه ب چهند قوناغا تێپهر دبیت تا دگههیته قوناغا خو كوشتنێ، د.نزاری دیار كر كو ئهگهر هات و خوموكی ل دهڤ پهیدابو و چارهسهری ژبو نههاته كرن دێ هزرا خو كوشتنێ بو مروڤی پهیدا بیت وئهگهر ههر دیسان مروڤی ئاگهه ژێ نهبو دێ ههول دهت خو بكوچیت و ئهگهر ههر نه هاته چارهسهر كرن وكهسهكێ هاریكاریا وێ نهكر و وێ بخو ژی هاری خو نهكر رهنگه ب خو كوشتنێ ب دوماهیك بهیێت.
ل دور چاره سهریا ڤێ نهخوشیێ د. نزار عصمهت گوت: ئهگهر ژنێ خو بهرههڤ نهكر بو ڤێ چهندێ و نه زانیت كو ئهڤهژی قوناغهكا سروشتی یه دژیانا وێ دا و دێ ههر پێ داچیت و بهروڤاژی ڤێ چهندێ مروڤ دشێت مفای ژڤان گهورینا وهر گریت و نههێلانا هندهك نیشانان ب رێكا خوارنا هندهك دهرمانان كو دڤێت نوشدار بۆ بنڤیسیت كو ڤان هورمونان بهدهل ڤهدكهن و دهێلن ههستێ وێ ههر خوش بمینیت.
ل دور چاهسهریا جهستهی د. چنار مستهفا دبێژیت: ئهڤ چهنده كارتێكرنێ لسهر ژیانا وێ یا ههڤژینیێ و پهیوهندیا وێ یا سێكسی و پهیوهندیێن وێ یێن كومهلایهتی لهورا ژی دڤێت نهخوش چارهسهریا خو بكهت ل دهڤ نوشدارا خو یاتایبهت.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|