|
|
ئهمريكا و ئيران ب گيروكرنا پێكئينانا حكۆمهتێ دهێنه گونههبار كرن
2010-08-02
ئهڤرۆ:
|
|
|
ليستا عيراقيه ئيرانێ ب گيروكرنا پێكئينانا حكۆمهتێ گونههبار دكهت و ئێك ژ ئهندامێن وێ ديار دكهت كو ئيران دخوازيت بهربژێرهكێ ئێكلاكهر ل سهر لايهنێن عيراقي دا بسهپينيت و بۆ چوار سالێن بهێت خزمهتا دهستههلاتێن خۆ پێ بكهت و بهروڤاژي وان ههڤالبهندا نيشتيماني يا شيعي ژي ئهمريكايێ گونههبار دكهت.
ئهندامێ جڤاتا نوونهرێن عيراقێ سهر ب ليستا عيراقيه ڤه فهتاح شێخ دياركر كو ههر ئێك ژ ئيران و چهند وهلاتێن جيران رێگرن بهرامبهر پێكئينانا حكۆمهتا نوو يا عيراقێ و گۆت:ئيران ئێكه ژ وان وهلاتێن دخوازيت بهربژێرهكێ ئێكلاكهر ل سهر لايهنێن عيراقي دا بسهپينيت و بۆ چوار سالێن بهێت خزمهتا دهستههلاتێن خۆ پێ بكهت.
فهتاح شێخ بۆ ئاژانسا ئاكانيوز گۆت:ئيران حهز ژ حكۆمهتهكا ههڤپشكيا نيشتيماني ناكهت و هێلا سوور يا ل سهر چهند لايهنێن ليستا عيراقيه ههي ب تايبهتي ژي سهرۆكێ ليستێ ئهياد عهلاوي بۆ وێ يهكێ كو پۆستێ سهرۆك وهزيران نهگههيتێ.
ل دووڤ گۆتنێن فهتاحي ئيران رێگر بوويه ژ كومبوونا ليستا عيراقيه د گهل جڤاتا بلندا ئيسلامي و باسكێ سهدر و گڤاشتنێن ئێخستينه سهر لايهنێ شيعي كو رێككهفتنێ د گهل ليستا عيراقيه ئهنجام نهدهن.
شێخي زێدهتر گۆت:پێدڤيه سهركردێن سياسي يێن عيراقێ بهرژهوهنديێن نيشتيماني بێخنه بهري ههموو بهرژهوهنديان بۆ دهربازبوونێ ژ وێ قهيرانا عيراق تێدا دهرباز دبيت. ههر د ڤێ دهربارێ دا سهركردێ ليستا عيراقيه ئوسامه نوجێفي دوپاتكر كو ههموو دانوستاندنێن سياسي بۆ پێكئينانا حكۆمهتێ يێن هاتينه راوهستاندن ژ ئهگهرێ دهستێوهردانێن ژ دهرڤه و بهراهيا ههموويان ژي دهستێوهردانێن ئيرانێ.
ب تمامي بهرۆڤاژي داخويانيێن ئهندامێن ليستا عيراقيه ههڤالبهندا نيشتيماني ئهمريكايێ گونههبار دكهت بهرامبهر گيروبوونا پێكئينانا حكۆمهتێ كو پێداگريێ ل سهر پێكئينانا حكۆمهتێ دكهت د ناڤبهرا مالكي و عهلاوي دا.
سهركردێ ههڤالبهندا نيشتيماني هادي عامري ل دور ڤێ يهكێ گۆت:ئهمريكا د وێ باوهرێ دا يه كو باشترين ههڤپهيماني بۆ پێكئينانا حكۆمهتێ د ناڤبهرا مالكي و عهلاوي دايه بۆ پشتگوه ئێخستنا وان لايهنێن ئهمريكا ب توندرهو گونههبار دكهت وهكو باسكێ سهدر و رێكخراوا بهدر.
عامري ئهو يهك ژي دياركر كو پێداگريا ئهمريكا ل سهر پرۆژێ پێكئينانا حكۆمهتێ ژلايێ مالكي و عهلاوي ڤه بويه ئهگهرێ پاشئێخستنا پێكئينانا حكۆمهتێ و گۆت:وهلاتێ نها بويه ئاستهنگ بهرامبهر پێكئينانا حكۆمهتا عيراقێ، ئهمريكايه نهك عهرهبساتانا سعودي، سوريا و ئيران.
|
|
|
|
|
|
|
ههرێما
كوردستانێ _ دهۆك |
|
تهلهفون : 07701472032 -
07501119102 |
|
copyright 2009
© |
evro@evropress.com |
evropress@yahoo.com |
evropress@hotmail.com |
|