كارتا زانیاریان بو وه‌لاتیان دئێته‌ درستكرن و جهێ ناسناما بارێ شارستانى و ره‌گه‌زنامێ دگریت

Evropress

28/4/2008

حكومه‌تا عیراقێ ب ژڤانه‌ كارته‌كا زانیاریا ئێكگرتى ل عیراقێ بو وه‌لاتیان ده‌ربێخیت،كو جهێ ناسناما بارێ شارستانى و ره‌گه‌زنامه‌یێ بخوڤه‌بگریت،لیوا یاسین ئه‌لیاسرى رێڤه‌به‌رێ گشتى ره‌گه‌زنامه‌ و ڤه‌مان سه‌ر ب وه‌زاره‌تا ناڤخویا به‌غدا د به‌یاننامه‌یه‌كێ دا ئاشكه‌راكر،چه‌ند لیژنه‌یه‌كێن تایبه‌ت و پسپور پێك ئینایه‌ بو دانانا مواسفاتێن هونه‌رى یێن جیهانى،پێدڤى یه‌ بو ده‌رئێخستنا كارتا زانیاریێن نیشتمانى ئێكگرتى ل عیراقێ،ژێده‌رێ ناڤبرى ئاماژه‌ بو ئه‌وێ چه‌ندێ كر،كو بو ئه‌وێ مه‌به‌ستێ بانگهێشتا كومپانیێن پسپور یێن جیهانى دوى بیاڤى دا دئێته‌كرن بو پێشكێشكرنا ده‌رئێخستنا وێ كارتێ،یاسرى روونكر،ئه‌و كارت جهێ ناسنامه‌یا بارێ شارستانى و ره‌گه‌زنامه‌یێ بخوڤه‌دگریت،وێنه‌یێ خودانێ وێ و په‌نجه‌ مور و هژمارا ئه‌لكترونى و چه‌ند زانیارێن دى ل سه‌ر دبیت،هه‌روه‌سا كارت بو هه‌مى عیراقیان دئێته‌ درستكرن بێ جوداهى،پشتى ده‌ركه‌ڤتنا وێ ل شینا چوار به‌لگه‌نامه‌یان بكارتێت كو بریتیه‌ ژ ناسنامه‌ و ره‌گه‌زنامه‌ و كوبونێن خارنێ و كارتا ئاكنجیبونى،ته‌ڤایا وه‌لاتیان مولزم دبن ب وێ كارتێ كو هه‌بیت،ئه‌و كارت ژ لایێ رێڤه‌به‌راتیا وانڤه‌ ده‌ردكه‌ڤیت و پێدڤیه‌ وه‌لاتى سه‌ره‌دانا فه‌رمانگه‌هێن بارێ شارستانى بكه‌ن بۆ وه‌رگرتنێ،پشتى ئه‌وێ چه‌ندێ كو دێ ل كه‌نالێن راگه‌هاندێ بانگه‌وازیێ بو كه‌ن،