.bmp)
كونگرێ سێزدێ و خولا پێنچێ یا
ئێكهتیا پهرلهمانێن عهرهبى ل
ههولێرێ دوماهیك بكارێن خو ئینان
Evropress
13/3/2008
بهرى نیڤرۆیا ئهڤرۆ ب بهرههڤ بونا جهلال تالهبانى
سهرۆك كومارێ عیراقا فیدرال و مهسعود بارزانى سهرۆكێ
ههرێما كوردستانێ،كونگرێ سێزدێ یێ خولا پێنجى یێ ئێكهتیا
پهرلهمانێن عهرهبى دوماهیك ب كارێن خو ئینان،د
گوتارهكێ دا،مهسعود بارزانى سهرۆكێ ههرێما كوردستانێ
خوشحالیا خو راگههاند بۆ سازدانا ئهڤى كونگرهیى ل
ههرێما كوردستانێ و تهئكید كر كو بهرههڤ بونا هژمارهك
ژ پهرلهمانتارێن عهرهب بۆ جارا ئێكێ ل ههرێما
كوردستانێ رامانا ئێك پارچهیا عیراقا فیدرال و فرهلایهن
دگههینیت و بیاڤهكێ باش خوش دكهت بۆ بنیاتنانا
پێشهروژهكا گهش،سهبارهت ب رهوشا ههرێما كوردستانێ و
عیراقێ،سهرۆكێ كوردستانێ روناهى ئێخسته سهر دیروكا
عیراقێ ل دهستپێكا دامهزراندنا وێ ههتا ههرفاندنا
رژێما بهعس ل سالا دوو هزار و سێ و گوت:ئهڤا ل عیراقێ
ریداى ژ 2003 دهرئهنجامێ سیاسهتا دكتاتورى و تێكدهرى
بوو،كو رژێمێ پهیرهو دكر و رژبونا وێ ل سهر ههر
تشتهكى دپێخهمهتا ڤهمانا وێ ل دهسهلاتێ دا،ئهگهرێ
وێ رهوشێ بون كو پاشى هاتنه دروژهڤێ دا،دوپاتكر كو بتنێ
پێكڤه ژیانا ئارهزومهندانه سهركهڤتنێ بدهستڤه
دئینن و ههرگیز دابهشكرن ب زورى و ئێكگرتنا ب زورى
سهركهڤتى نابیت،تهئكید كر كو گهلێ كوردستانێ ههولا
ئهوێ چهندێ دایه پرۆسیسا ئاشتیا نیشتمانى ل عیراقێ
سهربكهڤیت و د رێكا نوینهران ڤه ل جڤاتا
نوینهرایهتیا عیراقا فیدرال بۆ چارهسهركرنا ئارێشان
بكهت،ههر دچارچوڤێ دوماهیك هاتنا كارێن كونگرهیى،جهلال
تالهبانى سهرۆك كومارێ عیراقێ پهیڤهك پێشكێش كر و تێدا
سوپاسگوزاریا خو ئاراستهى بهرههڤ بویێن كونگرهیێ
ئێكهتیا پهرلهمانێن عهرهبى ل ههولێرێ و ئهوان
دهستكهڤتان كر دچارچوڤێ كونگرهیى بدهستڤه
هاتینه،سهرۆك كومارێ عیراقێ ئهو چهندهژى
راگههاند:بلا ههمى لایهنهك بزانن ههمى بریارێن كو ل
كونگرهیى هاتینه پهسندكرن پهیوهندى ب گشتى ڤه ههنه
و ههلویستێ عیراقێ ل ههمبهر سهرێن وهلاتێن عهرهبى
روون و ئاشكهراكر،روژهكێ ژ روژان ل ئهركێ نهتهوى و
نیشتمانى ههمبهر وهلاتێن عهرهب دهست ژێ
بهرنهداینه،سهرۆك كومار موكمكرنا پهیوهندیێن عیراقێ
دگهل وهلاتێن عهرهبى دوپاتكر،جهلال تالهبانى سهرۆك
كومار تهئكیدكر كو ههرتم عیراق بهرهڤانیێ ژ مافێن
رهوایێن وهلاتێن عهرهب دكهت،ههروهسا بهرههڤبونا
وه ل باژێرێ ههولێرێ دوو راستیان بو مه دسهلمینیت ئێك
چارهنڤێسا ههڤبهش دناڤبهرا عیراقێ و گهلێن عهرهب و
دوو چارهنڤێسا ههڤبهش ناڤبهرا نهتهوهیا
كورد،ههروهسا تێگههشتنا وه بو ئهوێ راستیێ و
بهرههڤبونا وه ل ههولێرێ وهك پایتهختێ ههرێما
كوردستانێ و پایتهختێ دوویێ عیراقێ،ئهڤ بهرهڤ بونه
چهند پرسهكێن شێواندى و بهرزهبون بو وه روون دكهت،ل
دوماهیا كارێن كونگرهی ژى نورهدین بوشكوچ ئهمیندارێ
گشتى ئێكهتیا پهرلهمانێن عهرهب ل دوو بروسكه یێن
سوپاسگوزارى ئاراستهى سهرۆك كومار و سهرۆكێ ههرێما
كوردستانێ كر بو ئهوێ مێڤانداریا گهرم كو ل ههولێرا
پایتهختا ههرێمێ لێ هاتیهكرن،ل رینشتنا دوماهیكێ دا
كونگره وهك رێزلێنان بو رولێ وان ژ گرێدانا كونگرهیى و
سهرئێخستنا كارێن وان، دیارى ب جهلال تالهبانى سهرۆك
كومارێ عیراقا فیدرال و مهسعود بارزانى سهرۆكێ ههرێما
كوردستانێ بهخشى و ههروهسا كومهكا دیاریان ب سهرۆكێ
حكومهتا ههرێمێ و جڤاتا نیشتمانى یا كوردستانێ و ههر
دوو جێگرێن وى و سهرۆكێ جڤاتا نوینهراتیا عیراقێ و
هندهك پشكداربویان هاتنه دان بهلاڤكرن