توركیا هێزێن خو ل سه‌ر سنورێ هه‌رێما كوردستانێ به‌لاڤ دكه‌ت

Evropress

20/4/2008

كه‌نالێ(سى ئێن ئێن)یێ تورك ژ زارێ به‌رپرسه‌كێ سه‌ربازی ل له‌شكه‌رێ توركیا به‌لاڤكریه‌،بو جاره‌كا دى له‌شكه‌رێ توركیا بو رێگرتن ژ ده‌ربازبونا چه‌كدارێن پارتا كرێكارێن كوردستانێ،هێزه‌كا زورا سه‌رباز و كوماندو كو نێزیكى 2000 سه‌ربازان ره‌وانه‌ى سه‌ر سنورى خو دگه‌ل هه‌رێما كوردستانێ كریه‌ ب درێژیا سنورێ وێ دگه‌ل هه‌رێما كوردستانێ،مل بملێ هێزێن جیگیرێن وێ ده‌ڤه‌رێ به‌لاڤكرینه‌،بو چاڤدێریكرنا سنورێن خو دگه‌ل هه‌رێما كوردستانێ،ئه‌وى به‌رپرسى ئه‌و چه‌نده‌ژى ئاشكه‌راكر كو ل چه‌ند ده‌ڤه‌رێن جودا جودا شه‌رو په‌ڤچون ناڤبه‌را له‌شكه‌رێ توركیا و چه‌كدارێن په‌كه‌كێ ریداینه‌ و چه‌ند چه‌كدارێن په‌كه‌كێ هاتنه‌ گرتن،ژلایه‌كێ دیڤه‌ ژێده‌ره‌كى ژ پارتا كرێكارێن كوردستانێ دازانین كو شیاینه‌ پێنج سه‌ربازێن تورك بكوژن ل ده‌ڤه‌را ئامه‌دێ،هه‌ژى گوتنێ یه‌ پشتى ته‌مامبونا وه‌رزێ سه‌رمایێ،له‌شكه‌رێ توركیا هێزێن خو ره‌وانه‌ى سنورێن خو دگه‌ل هه‌رێما كوردستانێ دكه‌ت بۆ لێدانا چه‌كدارێن پارتا كرێكارێن كوردستانێ.